23:648  et  que  par  consequent  nous  avons  occasion  de  le  benir  et  de  l'invoquer  avec  plus  grande  certitude.  Voila  ce  que  nous  avons  a  observer  sur  ce  point.  Or  Moyse  dit  que  le  roy  de  Sodome  est  venu  au  devant  d'Abram,  il  adioute  puis  apres,  (que  Melchisedec  Eoy  de  Salem  a  aussi  offert  du  pain  et  du  vin).  Et  d'autant  qu'il  estoit  sacrificateur  du  Dieu  souverain,  qu'il  a  benit  Abram:  et  qu'Abram  luy  a  donne  les  decimes  de  toute  la  despouille.  Voyci  une  histoire  notable  s'il  y  en  a  en  toute  la  saincte  Escriture:  et  non  seulement  une  histoire,  mais  ca  este  une  image  vive  pour  representer  nostre  Seigneur  Iesus  Christ,  comme  il  en  est  parle  au  Pseau.  110.  Car  ce  n'est  [pag.  27]  point  sans  cause  qu'il  est  la  dit  que  Dieu  a  iure,  et  qu'il  ne  s'en  repentira  point,  que  le  serment  solennel  qu'il  a  fait  sera  immuable  :  c'est  assavoir  que  Iesus  Christ  est  Sacrificateur  selon  l'estat  de  Melchisedec.  S'il  n'y  avoit  que  l'histoire,  voicy  Melchisedec  qui  est  bien  nomme  sacrificateur  de  Dieu:  mais  quoy  qu'il  en  soit,  si  n'est-il  point  pareil  en  estat  avec  Abram,  il  s'en  falloit  beaucoup.  Car  il  sera  dit  ci  apres  qu'Abram  est  pere  de  tous  fideles  et  de  toute  l'Eglise,  et  que  tous  ceux  qui  sont  enfans  de  Dieu,  doyvent  estre  enfans  spirituels  de  luy.  Il  falloit  donc  que  Melchisedec  en  une  sorte  fust  son  inferieur.  *  Tant  y  a  que  Moyse  luy  attribue  dignite  par  dessus  Abram,  comme  l'Apostre  le  traitte  et  le  deduit  tres  bien,  ainsi  que  nous  verrons.  Aucuns  ont  estime  que  ce  fust  Sem:  mais  il  n'y  a  nulle  verisimilitude  en  cela.  Et  qu'ainsi  soit,  Abram  eust-il  si  longuement  attendu  de  veoir  le  patriarche  Sem,  donc  il  est  estoit  descendu?  Il  n'y  a  nulle  doute  qu'au  premier  coup  il  ne  se  fust  adresse  a  luy,  et  que  mesme  il  n'eust  habite  en  sa  compaignie:  car  il  estoit  Roy  de  Salem.  Et  Abram  se  pouvoit  venir  renger  sous  son  umbre,  mais  il  a  tracasse  par  toute  la  terre:  et  cependant  nulle  mention  de  Melchisedec.  Davantage  ce  n'est  point  sans  cause  que  l'Apostre  note  que  Melchisedec  a  este  sans  pere  et  sans  mere,  sans  origine  et  sans  fin  [pag.  28],  comme  un  homme  qui  seroit  descendu  du  ciel,  et  qui  seroit  immortel.  Non  pas  que  Melchisedec  n'aye  este  du  rang  et  du  nombre  des  hommes  :  mais  l'Apostre  veut  signifier  qu'il  est  introduit  comme  s'il  n'avoit  iamais  eu  naissance.  On  ne  sait  de  quel  pere  il  est  engendre,  ne  de  quelle  mere  il  est  descendu:  on  ne  sait  rien  de  son  lignage  ny  de  toute  sa  vie:  et  puis  il  n'est  point  parle  de  son  trepas:  et  mesmes  il  est  sacrificateur  du  Dieu  vivant.  Cependant  il  se  monstre,  et  puis  tantost  il  se  cache,  et  s'ensevelit,  et  ne  sait-on  comment  et  en  quel  temps.  La  dessus  l'Apostre  monstre  qu'il  a  este  figure  de  nostre  Seigneur  Iesus  Christ,  lequel  combien  qu'il  soit  Fils  eternel  de  Dieu,  toutesfois  n'a  point  de  pere  a  la  facon  commune,  d'autant  que  son  essence  divine  est  spirituelle  et  eternelle:  et