9:647  647  EPISTOLA  643  fidum  apostatam  Gentilem  blasphemiam  hanc  evomere,  Christum  esse  a  patre  essentiatum,  ubi  agnoscitis  diabolico  figmento  excogitatam  esse  prodigiosam  vocem.  Denique  sicut  olim  Manichaei  fabulati  sunt  animam  hominis  ex  Dei  traduce  originem  ducere:  ita  hic  praestigiator  fingit  Dei  filium  esse  nescio  quod  abstractum  1)  a  vera  deitate.  Atqui  si  essentiatus  est  Christus,  non  est  ille  Iehova2)  qui  olim  prophetis  apparuit,  quod  tamen  apostoli  testantur.  Hoc  quidem  effugere  nequeunt,  quin  discerpant  essentiam  Dei,  nisi  concedant  Christum  essentialiter  unum  esse  Deum.  Detegitur  etiam  alter  eorum  furor,  quia  nisi  idem  sit  filius  cum  patre  Deus,  plures  deos  induci  necesse  est.  Tergiversando  nihil  proficiunt,  quia  plane  elicitur  ex  eorum  commentis,  Christum  alium  esse  a  patre  Deum.  Quod  obiiciunt  alium  vocari,  sicuti  et  spiritus  vocatur  alius  ab  ipso  consolator,  nullo  negotio  diluitur.  Neque  enim  usquam  scriptura  ubi  personas  distinguit,  Deum  ipsum  secat  in  partes  vel  frusta,  ac  si  secum  eius  essentia  confligeret.  Alius  ergo  filius  est  a  patre,  sed  non  alius  Deus.  Quare  distinctio  non  potest  nisi  ad  personas  accommodari.  Hoc  autem  modo  non  habemus  Deum  conflatum,3)  ut  odiose  simulque  futiliter  garriunt:  quia  tametsi  unus  est  nobis  Deus,  ubi  tamen  in  medium  prodit  filius,  suum  gradum  ob  tinet  pater,  ut  discrimen  emineat.  [fol.  5]  Tenenda  quoque  est  loquendi  ratio  scripturae  trita,  dum  Christus  quatenus  mediator  est,  inferior  patre  statuitur  (de  toto  complexo  loquor,  hoc  est,  Deo  manifestato  in  carne)  quia  nunc  pater  caput  est,  donec  Christus  acceptum  ab  eo  imperium  restituat,  ut  sit  Deus  omnia  in  omnibus.  Nec  est  cur  Stancarus  hic  insultet,  ac  si  Christus  fieret  patre  minor,  quando  hic  non  de  natura  deitatis  agitur,  sed  notatur  tantum  oeconomia  vel  dispensatio  admirabilis  consilii  Dei,  quae  nihil  derogat  aeternae  Christi  gloriae.  Hinc  elicitur  pura  fidei  sinceritas,  in  uno  Deo  ita  esse  tres  personas,  ut  filius  non  sit  pater,  sed  differat  a  patre,  ut  una  sit  utriusque  essentia.  Unde  sequitur,  quamvis  non  comparative,  tamen  indefinite  unum  esse  Deum.  Quidquid  blaterent  virulentae  linguae,  in  hac  fide  acquiescere  semper  tutum  erit:  sicuti  utile  quoque  spinosis  multis  quaestionibus  ansam  praecidere,  simulque  supersedere  a  formulis  loquendi  vel  nimium  asperis,  vel  a  scripturae  usu  remotis.  Precatio  vulgo  trita:  Sancta  trinitas  unus  Deus  miserere  nostri,  mihi  non  placet,  ac  omnino  barbariem  sapit.  Nolim  igitur  vos  de  rebus  supervacuis  litigare,  modo  illibatum  maneat  quod  dixi  de  tribus  in  una  essentia  personis.  1)  tire  et  separe.  2)  Add.  ou  cest  Eternel.  3)  forge  ou  fondu.