7:647  647  VERA  ECCLESIAE  648  quod  de  Alexandro  historici  referunt:  Me,  si  esseni  eius  loco,  non  recusaturum:  illum  vero,  si  mihi  esset  similis,  idem  facturum,  quod  nunc  me  facere  miratur.  Nam  eiusmodi  homines,  qui  Christum  abnegando  tot  annos  sunt  exercitati,  simplicitatem  nostram  probro  vertere  cur  miremur,  quum  subsannare  Deum  ipsum  non  dubitent?  At  nobis  tanti  esse  debent  coelestis  magistri  decreta,  ut  pro  iis  ad  extremum  dimicare  non  dubitemus.  Nec  quidquam  putemus  libertati  nostrae  subiectum,  de  quo  ndbis  quid  fieri  vellet,  praecepit.  Sed  hic  de  re  nobis,  non  de  verbo  tantum  ac  ritu,  certamen  est  cum  mediatoribus.  Tradunt  enim,  comprehendi  in  missae  sacrificio  veritatem  earum  rerum,  quae  vetusta  omnia  sacrificia  figurabant:  eandem  hic  esse  corporis  et  sanguinis  Christi  hostiam,  quae  in  cruce  mactata  fuit.  Unde  apparet,  unico  Christi  sacrificio  secundarium  hoc  subrogari,  quo  illius  efficacia  ad  nos  perveniat.  Ego  autem  breviter  respondeo:  quaecunque  unquam  in  usu  fuerunt  sacrificia,  ad  hunc  veluti  lydium  lapidem  probanda  esse,  ut  proba  censeantur:  a  Deone  habeant,  an  ab  hominibus,  originem.  Praeterquam  enim  quod  in  Christum  respicere  debebant,  Deum  quoque  autorem  esse  oportuit.  Itaque  quamvis  in  speciem  nihil  aut  parum  differre  videantur  a  sacrificiis  piorum,  quae  a  gentibus  oblata  legimus,  haec  tamen  non  dubitamus  tanquam  adulterina  damnare:  illa  autem  pronunciare  sancta  et  legitima.  Unde  porro  hoc  discrimen,  nisi  ex  illa  duplici  nota  finis  et  mandati?  Nunc  igitur  [pag.  162]  ut  micam  veritatis  in  sacrificio  missae  contineri  probent  mediatores,  Dei  mandatum  in  primis  necesse  est  proferri,  quale  nullum  exstat.  Unde  audacter  constituimus,  nihil  quam  inane  esse  figmentum.  Quod  succinctam  et  dilucidam  canoni  interpretationem  attexi  volunt,  fateor  non  esse  de  nihilo.  Sed  quas  glo^as  invenient,  quibus  tegantur  adeo  crassae  absurditates?  Principio,  certum  est  pugnantia  illic  contineri,  centonesque  esse  male  consutos  ab  indoctis  artificibus.1)  Dicunt  se  Deo  offerre  de  eius  donis  et  datis  hostiam  puram,  panem  sanctum  vitae  aeternae.  Quae  verba  sonant,  constare  ex  pane  Christi  corpus.  Emolliant  ut  volent  hanc  verborum  asperitatem:  perspiciunt  tamen  oculati  homines,  quam  precationem  vetus  ecclesia  de  communibus  oblationibus  concipere  solebat,  consarcinatores  missatici  canonis2)  ad  corpus  Christi  inscite  transtulisse.  Eleemosynae  quas  conferebant  fideles,  tanquam  Deo  sacrae,  altari  imponebantur.  Deum  populi  nomine  orabat  sacerdos,  ut  eas  gratas  haberet.  Barbari  homines  qui  postea  sequuti  sunt,  vel  antiqui  moris  ignari,  vel  aliud  quam  imaginarium  1)  et  que  c'est  une  savaterie  mal  rappetassee  de  plusieurs  pieces  par  gens  ignorans.  2)  ]es  remboblineurs  du  Canon  missotier.