49:647  647  SERMONS  648  qu'il  n'y  avoit  que  pour  lu  j  :  et  que  s'il  faloit  mourir  cent  fois,  iamais  il  ne  seroit  veincu:  mais  cependant  il  n'avoit  point  sonde  a  bon  escient  que  c'estoit  de  resister  quand  le  diable  luy  auroit  dresse  quelque  combat.  Voyla  donc  pourquoy  il  est  si  liberal  en  promesse.  Suyvant  cela  S.  Paul  dit,  Celuy  qui  cuide  estre  debout.  Car  les  plus  habiles  quelque  fois  sont  les  plus  couars  quand  ce  vient  au  besoin.  Non  seulement  ils  avoyent  eu  reputation  de  vertu  entre  les  hommes,  mais  ils  s'estoyent  trompez,  se  faisans  a  croire  merveilles,  la  ou  il  n'y  avoit  rien  en  eux.  En  somme  sainct  Paul  monstre  que  nostre  opinion  n'est  que  mensonge,  quand  chacun  se  prise  :  et  que  pourtant  il  nous  faut  aviser  a  ce  qui  pourroit  advenir,  sinon  que  nous  fussions  soustenus  de  la  main  de  Dieu.  Que  celuy  donc  qui  est  debout,  et  cuide  estre  assez  robuste  pour  tenir  bon  iusques  a  la  fin,  que  celuy  la  (dit  S.  Paul)  garde  qu'il  ne  trebusche.  Comme  s'il  disoit  que  le  danger  est  prochain,  sinon  que  nous  soyons  sur  nos  gardes:  et  qu'il  n'y  a  celuy  de  nous  qui  ne  soit  subiet  a  trebuscher:  et  que  nul  ne  se  doit  penser  estre  hors  des  hazars,  comme  si  desia  nous  estions  en  la  compagnie  des  Anges,  et  que  nous  ne  fussions  point  parmi  les  hommes,  et  n'eussions  a  batailler  contre  Satan.  Nous  voyons  donc  en  second  lieu  ce  que  sainct  Paul  a  voulu  ici  toucher,  c'est  que  nous  sommes  tous  subiets  a  cheute,  sinon  que  Dieu  nous  preserve,  et  qu'il  nous  tiene  la  main  forte,  et  que  nous  vainquions  par  luy,  et  non  pas  en  nostre  habilite.  Or  cependant  il  sembleroit  que  sainct  Paul  nous  voulust  ici  mettre  en  telle  incertitude,  que  iamais  nous  ne  pourrions  invoquer  Dieu  d'une  conscience  paisible.  Car  si  ie  crains  de  tomber  a  chacune  heure,  que  sera-ce?  Celuy  qui  est  ainsi  surprins  de  frayeur,  desia  est  a  demi  abatu.  Tant  y  a  que  Sainct  Paul,  comme  il  semble,  nous  declare  que  nous  n'avons  nulle  certitude  pour  estre  asseurez,  mais  nous  sommes  comme  pendans  d'un  filet:  et  que  nous  ne  scavons  pas  ce  qui  pourroit  advenir,  et  que  si  Dieu  nous  a  secourus  auiourd'huy,  il  se  pourra  faire  que  demain  il  retirera  son  aide,  et  qu'estans  despouillez  nous  defaudrons.  Si  nous  ��ommes  en  tel  estat,  malheur  sur  nous.  Mais  notions  que  comme  il  y  a  une  folle  presomption  aux  hommes,  qui  les  abuse,  et  est  cause  de  les  faire  endormir:  il  y  a  aussi  une  bonne  seurte,  laquelle  les  sollicite  a  prier  Dieu.  Quand  nous  presumons  follement,  nous  sommes  nonchalans:  nous  ne  pensons  plus  a  invoquer  Dieu,  nous  allons  la  comme  bestes  brutes  :  le  diable  nous  aura  attrappez  cent  fois  devant  que  nous  y  ayons  pense.  Or  une  telle  presomption  sera  tousiours  maudite  de  Dieu.  Et  c'est  bien  raison  que  ceux  qui  s'eslevent  ainsi,  se  trouvent  trompez,  d'autant  qu'ils  usurpent  l'honneur  qui  appartient  a  Dieu  seul.  Car  voyla