48:647  647  SERMONS  648  maintenant  nous  voyons  que  les  hommes  ne  iouissent  pas  des  graces  du  S.  Esprit  que  Dieu  declare  yci  qu'il  envoyera  sur  ses  serviteurs  et  servantes,  ce  n'est  pas  pourtant  qu'il  ait  change  de  propos,  mais  nous  ne  souffrons  point  qu'il  nous  face  du  bien,  car  quand  il  s'approche  nous  reculons.  Il  n'est  donc  point  cause  que  nous  ne  recevions  tous  de  ses  graces,  car  le  Prophete  dit  que  Dieu  espandra  de  son  sainct  Esprit  sur  toute  chair.  Il  dit  notamment  Sur  toute  chair,  c'est  ascavoir  sur  tous  peuples  sans  exception.  Il  est  vray  que  c'est  aux  Iuifs  que  Iesus  Christ  est  envoye,  non  seulement  pour  les  retirer  de  la  captivite  du  diable,  ains  pour  les  faire  participans  des  dons  du  S.  Esprit.  Mais  maintenant  nous  sommes  tous  assemblez  en  une  mesme  Eglise,  il  ne  reste  plus  sinon  que  nous  monstrions  l'effet  de  nostre  Chrestiente  et  des  graces  que  Dieu  nous  a  faites:  et  alors  il  ne  nous  faut  douter  que  nous  ne  recevions  des  dons  du  S.  Esprit,  puis  qu'il  est  dit  que  Dieu  ne  les  ha  point  espandus  sur  un,  ne  sur  deux,  mais  sur  tous  en  general.  Ce  n'est  pas  assez  de  se  vanter  d'estre  Chrestien,  si  l'effet  ne  se  demonstre,  et  qu'on  cognoisse  que  ce  n'est  en  vain  que  nous-nous  attribuons  ce  titre  de  Chrestiente.  Il  ne  faut  point  que  nous  facions  comme  plusieurs,  mesmes  comme  ceux  qui  sont  en  la  Papaute,  qui  ne  se  soucient  ni  de  Dieu  ni  de  sa  Parolle,  mais  se  contentent  seulement  de  ce  titre  de  Chrestien,  et  moyennant  qu'ils  le  puissent  alleguer,  il  ne  leur  chaut  du  reste.  Si  on  leur  demande  s'ils  sont  Chrestiens,  quelle  response  en  aura-on?  Or  il  leur  semble  qu'on  leur  fait  grand  tort  de  les  interroguer  de  cela.  Comment?  diront-ils,  ne  sommesnous  pas  Chrestiens?  n'avons-nous  pas  receu  le  Baptesme?  Ouy  bien,  mais  quelle  foy  avez-vous  de  tout  cela?  Iis  diront  qu'ils  croyent  ce  que  saincte  Eglise  croit,  et  par  ainsi  ils  ont  une  foy  enveloppee,  en  laquelle  leurs  docteurs  les  instruisent,  disans  que  quand  ils  croiront  ce  que  l'Eglise  croit,  ce  leur  sera  assez.  Qu'on  leur  demande  aussi  comment  il  faut  servir  a  Dieu:  il  n'est  point  question  de  scavoir  cela.  Et  c'est  une  vraye  vengence  de  Dieu  pour  punir  l'iniquite  des  hommes,  quand  on  voit  tels  povres  ignorans  estre  conduits  par  tels  docteurs  de  Satan  pour  les  faire  trebuscher  en  un  mesme  abysme  avec  eux.  Nous  voyons  donc  comme  la  Chrestiente  a  este  abbruvee  de  tout  mensonge  et  fausse  doctrine  par  cest  idole  de  Romme.  Et  pourquoy?  Pour  autant  que  les  hommes  ont  ferme  la  voye  a,  la  Parolle  de  Dieu  et  ont  voulu  estre  abbruvez  de  mensonge.  Or  cependant  venons  a  nous,  et  ne  condamnons  pas  les  Papistes,  ni  les  autres,  que  quant  et  quant  nous  n'applicquions  ceste  doctrine  a  nostre  usage.  Nous  avons  l'Evangile  qui  est  la  doctrine  de  toute  sagesse,  et  toutesfois  comment  sommes-nous  sourds