35:647  647  S  E  R  M  O  N  S  648  qu'il  s'est  rendu  obeissant  iusques  a  la  mort,  voire  iusques  a  la  mort  qui  estoit  maudite.  Disant  qu'il  s'est  rendu  obeissant,  il  note  ce  que  nous  avons  desia  declare  du  Prophete:  c'est  ascavoir  que  ce  que  nostre  Seigneur  Iesus  Christ  a  endure,  estoit  volontaire.  Et  pource  que  nous  sommes  coulpables  devant  Dieu  et  luy  sommes  ennemis,  il  est  dit  que  Iesus  Christ  s'est  assuieti:  luy  qui  avoit  toute  maitrise  et  authorite,  il  a  prins  la  forme  d'un  serf,  il  a  prins  la  condition  de  ceux  qui  estoyent  sous  le  ioug,  comme  dit  sainct  Paul.  Voyla  donc  comme  en  toute  sa  vie  il  s'est  rendu  obeissant,  et  a  voulu  estre  sous  la  Loy.  Et  non  seulement  cela,  mais  combien  qu'il  eust  des  horribles  apprehensions  de  la  mort,  iusques  a  suer  sang  et  eau,  iusques  a  dire,  Mon  Pere,  s'il  est  possible,  que  ce  bruvage  tant  amer  soit  eslongne  de  moy:  neantmoins  il  se  restraint:  Ta  volonte  soit  faite  (dit-il)  et  non  pas  la  miene.  Or  la  dessus  sainct  Paul  adiouste,  que  pour  ceste  cause  Dieu  son  Pere  l'a  esleve,  et  luy  a  donne  un  nom  qui  est  par  dessus  tous,  tellement  que  tout  genouil  se  ploye  auiourd'huy  devant  luy.  Ainsi  donc  cognoissons  que  Iesus  Christ  mesme  en  nostre  nature  ha  une  maieste  souveraine,  afin  que  nous  venions  en  plene  confiance  a  luy  :  car  a  quelle  condition  est-il  Iuge  de  tout  le  monde?  C'est  pource  que  non  seulement  il  s'est  fait  nostre  frere,  mais  aussi  s'est  offert  pour  estre  nostre  plege,  et  a  soustenu  toutes  nos  iniquitez:  il  a  este  batu  et  frappe  de  la  main  de  Dieu,  afin  que  nous  fussions  garentis  des  playes  que  nous  avions  meritees.  Pour  ceste  cause  il  est  maintenant  exalte,  afin  que  nous  approchions  hardiment  de  luy.  Or  il  est  vray  qu'il  faudra  que  les  meschans  et  les  diables  en  despit  de  leurs  dents  sentent  comme  le  Fils  de  Dieu  est  par  dessus  eux:  car  il  faut  que  tous  ses  ennemis  soyent  foullez  sous  ses  pieds.  Mais  de  nostre  coste  nous  avons  a  luy  rendre  un  hommage  volontaire,  et  nous  ranger  paisiblement  a  luy,  et  cognoistre  la  maieste  qui  luy  a  este  donnee  en  sa  nature  humaine,  afin  que  nous  ayons  de  quoy  nous  glorifier  contre  le  peche.  Or  que  ceci  soit  entendu  de  la  personne  de  Iesus  Christ,  il  appert  assez  par  ce  que  sainct  Luc  recite,  que  l'Eunuque  estant  venu  adorer  au  Temple  de  Ierusalem,  lisoit  ce  passage,  et  qu'il  luy  a  este  expose  par  Philippes,  qui  a  este  envoye  de  Dieu  et  ravi  par  l'Ange  tout  expres,  afin  [de  venir  a  cest  homme  qui  cherchoit  Dieu,  mais  comme  un  povre  aveugle  qui  n'avoit  point  encore  de  cognoissance.  Mais  ce  passage  luy  a  este  expose  en  sorte,  qu'a  une  seule  predication  il  a  este  converti  a  nostre  Seigneur  Iesus  Christ,  et  a  demande  et  requis  d'estre  baptize  en  son  nom.  Cela  nous  doit  bien  toucher,  car  en  premier  lieu  nous  sommes  admonestez  qu'encores  que  du  premier  coup  nous  ne