25:647  647  SERMON  IV.  648    dire  ce  que  bon  leur  semble:  mais  qu'ils  pensent  a  la  superiorite  de  Dieu:  et  sur  tout,  quand  auiourd'huy  nostre  Seigneur  Iesus  Christ  s'est  declare  chef  de  son  Eglise,  comme  Dieu  luy  a  donne  1a  maistrise  eternelle  par  dessus  nous  en  disant:  Qu'on  l'escoute.  Puis  qu'ainsi  est  donc,  que  ceux  qui  ont  la  charge  d'enseigner  en  l'Eglise,  qui  sont  Pasteurs  et  ministres,  cognoissent  qu'ils  ne  doyvent  point  chercher  de  s'eslever,  ne  d'estre  ouis,  ne  d'amuser  le  peuple  a��  leurs  inventions,  mais  que  Dieu  preside  tousiours,  et  qu'on  luy  obeisse,  et  que  se  parolle  soit  receue  purement  et  simplement  sans  aucun  meslinge,  ni  addition.  Et  tout  ainsi  que  ceux  qui  sont  en  cest  estat  et  office,  doyvent  avoir  ceste  modestie  et  humilite,  de  n'usurper  pas  la  superiorite  que  Dieu  se  reserve,  et  mesmes  qu'il  a  donnee  a  son  Fils  unique:  aussi  tous  Chrestiens  doyvent  penser  :  Pourquoy  venons-nous  au  sermon?  Pourquoy  est-ce  qu'il  y  a  ordre  d'Eglise  ?  c'est  afin  que  Dieu  nous  gouverne,  et  que  nous  ayons  nostre  Seigneur  Iesus  Ohrist  comme  Docteur  souverain,  que  nous  soyons  le  troupeau  de  sa  conduite.  Or  cela  ne  se  peut  faire  sinon  que  nous  oyons  tous  sa  voix,  la  discernant  d'avec  les  voix  estranges:  que  nous  ne  soyons  point  transportez  ca  et  la  comme  des  roseaux  branslans  a  tous  vents,  mais  que  nous  soyons  arrestez  a  la  purere  de  l'Escriture  saincte,  que  nostre  foy  soit  la  tellement  fondee,  que  le  Diable  ne  l'esbranslo  iamais.  Voila,  di-ie,  comme  ii  nous  faut  appliquer  a  nostre  usage  ceste  doctrine,  que  le  iugement,  et  l'authorite  est  de  Dieu  :  car  en  ce  faisant,  nous  pourrons  voir  beaucoup  de  repugnances  en  ce  monde,  beaucoup  de  troubles,  que  les  hommes  nous  pourront  assaillir,  ils  se  pourront  contrarier,  et  y  aura  des  contradictions,  mais  nous  irons  tousiours  nostre  train.  Et  pourquoy?  Car  Dieu  ne  varie  point.  Si  le  Diable  remue  mesnage  ici  bas,  si  est-ce  que  le  propos  de  Dieu  est  immuable.  Et  c'est  aussi  bien  ce  qui  est  dit  de  la  verite,  qu'elle  demeure  a  iamais.  Ce  n'est  point  unp  verite  cachee,  ne  qui  soit  enclose  au  ciel:  mais  notamment  il  est  dit,  que  c'est  la  verite,  laquelle  Dieu  nous  revele  par  sa  parolle,  comme  tous  les  iours  il  nous  le  tesmoigne.  Puis  qu'ainsi  est  donc,  que  nous  regardions  a  Dieu,  et  luy  attribuons  le  regime  qui  luy  est  deu,  afin  qu'il  domine  par  dessus  nous,  nostre  foy  alors  ne  sera  point  variable,  combien  que  le  Diable  trouble  et  pervertisse  tout,  et  qu'il  suscite  des  debats  et  contentions  beaucoup.  Voila  donc  comme  il  nous  faut  pratiquer  ceste  doctrine  qui  est  ici  contenue.  Or  au  reste,  Moyse  dit  notamment:  Que  s'il  y  a  cause  difficile,  qu'elle  luy  soit  rapportee.  Et  puis  pour  conclusion:  Qu'il  leur  a  commande  tout  ce  qu'ils  avoyent  a  faire.  Touchant  des  causes  difficiles,  Moyse  ne  les  retient  point  a*  soy,  ni  par  ambition,  ni  par  une  outrecuidance: