23:647  647  SERMONS.  648  ne  fust  exerce  aux  armes  ny  ruse  en  facon  que  ce  soit  :  si  est-ce  neantmoins  qu'il  surprend  ses  ennemis,  et  se  rue  sur  eux  de  nuict,  voire  alors  qu'ils  pouvoyent  estre  a  leurs  aises,  et  apres  avoir  bien  beu,  mange  et  gourmande:  mesmes  qu'ils  pensoyent  estre  bien  asseurez,  qu'ils  avoyent  eu  la  despouille  de  Sodome  et  Gomorrhe.  Or  nous  savons  qu'en  telles  victoires  il  se  commet  beaucoup  d'intemperances  et  de  dissolutions.  Abram  donc  a  bien  ceste  astuce  de  surprendre  ses  ennemis:  et  toutesfois  si  est-ce  qu'il  devoit  estre  estonne  de  ce  qui  estoit  advenu,  et  de  ce  qu'il  avoit  veu  les  ennemis  avoir  telle  victoire.  Et  quand  il  vient  la  soudain  et  se  haste,  ces  choses-la  ne  se  font  pas  sans  tumulte:  mais  Dieu  le  gouverne  par  son  Sainct  Esprit.  De  la  cognoissons  que  Dieu  voulut  [pag.  25]  besongner  par  luy:  et  non  seulement  en  faveur  de  Lot,  mais  afin  qu'il  cognust  que  la  promesse  n'estoit  pas  vaine  ny  frivole,  quand  Dieu  luy  avoit  donne  la  maistrise  et  superiorite  sur  tout  le  pai��  de  Canaan.  Voyla  en  somme  ce  que  nous  avons  a  retenir.  Il  est  dit  consequemment,  que  (le  Roy  de  Sodome  est  venu  au  devant  de  luy)  qui  est  pour  magnifier  la  grace  de  Dieu  envers  Abram.  Car  desia  nous  avons  allegue  le  passage  d'Ezechiel,  ou  il  est  dit  que  ceux  de  Sodome  estoyent  pleins  de  fierte,  et  que  c'a  este  la  source  de  toutes  les  enormitez  qui  ont  provoque  la  vengeance  de  Dieu  pour  les  exterminer  du  tout.  Or  quelque  orgueil  qu'il  y  ait  eu  au  Roy  de  Sodome,  si  vient-il  faire  hommage  a  Abram,  cognoissant  qu'il  luy  doit  toute  sa  vie  et  tout  son  pais.  En  cela  donc  voyons-nous  comme  Dieu  a  conduit  tout  cest  affaire,  et  comme  il  a  benit  son  serviteur  Abram.  Il  est  vray  qu'il  eust  beaucoup  mieux  ayme  ne  bouger  de  sa  tente,  et  de  ne  se  point  mettre  en  tel  peril  et  hazard:  mais  Dieu  luy  a  tendu  la  main,  et  a  voulu  qu'il  experimentast  sa  vertu  et  son  secours  au  besoin.  Cela  par  consequent  a  beaucoup  profite  a  Abram:  car  s'il  fust  demeure  en  sa  maison  sans  avoir  cogneu  une  telle  defense  de  Dieu,  il  est  certain  qu'il  ne  pouvoit  estre  si  bien  conferme  comme  il  a  este  depuis.  Nous  voyons  donc  quand  Dieu  nous  envoye  quelques  afflictions  [pag.  26],  combien  qu'elles  soyent  dures  et  fascheuses  a  porter  du  commencement,  tant  y  a  qu'a  la  fin  l'issue  nous  en  est  utile  et  profitable  pour  nostre  salut.  Car  patience  engendre  probation,  dit  S.  Paul.  Afin  que  cognoissons  par  effect  qu'alors  Dieu  nous  a  secouruz  :  et  quand  nous  le  cognoissons,  nous  soyons  confermez  de  plus  en  plus  pour  esperer  en  luy.  L'esperance  ne  nous  fait  iamais  honte,  car  celuy  qui  a  son  recours  a  Dieu  ne  se  trouvera  iamais  confus.  Ainsi  donc  nous  voyons  que  nous  ne  nous  pourrons  tenir  quois  et  paisibles,  iusques  a  tant  que  Dieu  nous  monstre  pourquoy  il  nous  a  affligez,  et  que  cependant  il  nous  face  sentir  que  c'est  pour  nostre  bien,