9:646  nimium  altercando  veritas  amissa  fuit.  Equidem  non  dubito  quosdam  inscitia  vel  inconsiderata  facilitate  lapsos  esse:  verum  coniicere  simul  licet,  nonnullos  astute  captasse  occasionem,  ut  exsecrabile  delirium,  quod  plausibile  fore  sperabant,  simplicibus  impune  obtruderent.  Sunt  enim  apud  vos  impuri  nebulones  1)  Georgius  Blandrata.  Valentinus  Gentilis,  Ioannes  Paulus  Alciatus,  et  similes,  quob  furiosa  libido  novandi  et  turbandi  praecipites  agit.  Verum  illis  omissis  summam  ipsius  quaestionis  perstringere  expediet.  Volunt  quoties  occurrit  nomen  Dei  in  scriptura  restringi  ad  solum  patrem.  Atqui  postquam  spiritus  sanctus  unum  esse  Deum  pronunciavit,  aperte  docet  Christum  fuisse  illum  Deum.  Nec  vero  aliter  staret  testimonium  Ioannis:  Hic  est  verus  Deus  et  vita  aeterna  (1.  Ioann.  5,  20),  nisi  esset  idem  cum  patre  Deus.  Iam  ubi  Dei  nomen  indefinite  usurpat  Paulus  apud  Lucam,  nonnisi  de  filio  id  potest  intelligi,  quando  diserte  exprimit  sanguine  Dei  redemptam  esse  ecclesiam  (Act.  20,  28).  Verum  satis  superque  nobis  esse  debet  quod  tradunt  prophetae  de  unico  et  aeterno  Deo,  apostolos  aptare  ad  Christi  personam.  Luculentas  eius  rei  probationes  suggeret  vobis  mea  Admonitio.  Quod  obstrepunt,  Deum  passim  vocari  patrem  Christi,  in  promptu  solutio  est,  quoties  inter  se  comparantur  duae  personae,  Dei  nomen  peculiariter  ascribi  patri,  quia  [fol.  4]  deitatis  principium  est  :  sed  ubi  nulla  fit  comparatio,  filium  comprehendi  sub  Dei  nomine.  Et  sane  si  admittitur  relatio  in  ipsa  Dei  essentia,  iam  non  una  nec  simplex  erit,  sed  lacerabitur.  Paulo  clarius  id  explicabo.  Si  essentiae  respectu  confertur  filius  cum  patre,  multiplex  inde  emerget  deitas,  quo  nihil  absurdius  est.  Et  tamen  non  pudet  illum  ter  per-  1)  Add.  et  vilains  poltrons  Italiens.  41*