7:646  Proinde  incruentum  illud  sacrificium,  quod  commenti  sunt  homines,  sibi  habeant,  quibus  non  satisfacit  Dei  sapientia.  Simplex  et  minime  ambigua  scripturae  doctrina  est,  sacrificio  quo  reconciliari  Deo  homines  oportebat,  semel  defunctum  esse  Christum:  eius  sacrificii  vim  esse  aeternam,  fructumque  quotidie  a  nobis  percipi.  Ut  autem  eo  fruamur,  institutam  esse  ab  eodem  Dei  filio  sacram  coenam,  in  qua  corpus  suum  semel  immolatum  nobis  in  cibum  porrigit,  quo  vescamur.  Hoc  modo  unici  illius  sacrificii  virtutem  applicari  nobis,  ut  eius  fiamus  participes.  Ubi  totam  scripturam  revolveris,  nihil  aliud  reperies,  quam  pascha  nostrum  immolatum  esse:  sacerdotem  unicum  semel  ingressum  esse  in  sancta,  ut  oblatione  unica  mundi  peccata  expiaret:  nobis  nihil  aliud  praecipi,  quam  ut  epulemur.  Cuius  nunc  ergo  audaciae  erit,  [pag.  160]  hominem  mortalem  se  ingerere,  ut  sacerdotio  sibi  nunquam  mandato,  fungatur,  ut  incruentum  sacrificium,  quod  nusquam  requirit  Deus,  offerat?  Proinde,  alibi  secundum  illud  sacrificium  locent  mediatores,  quam  in  ecclesia.  A  nobis  ut  agnoscatur  nunquam  efficient,  donec  alium  esse  idoneum  sacrificii  autorem  persuaserint,  quam  filium  Dei:  qui  sacerdos  est  in  aeternum  constitutus,  nullo  vel  successore  vel  collega.  Quidquid  praeter  eius  autoritatem  additamenti  obrepsit  in  sacram  coenam,  hominum  vel  cupiditate  nimia,  vel  facilitate,  ad  huius  autoritatis  normam  corrigatur.  *)  Ita  enim  faciendum  admonet  Paulus,  et  hoc  volunt  eius  verba,  quum  dicit:  Accepi  a  Domino  quod  et  tradidi  vobis.  Oblationem  porro,  quae  ab  ignoto  fonte  manavit,  scelerate  et  nequiter  Christo  acceptam  referunt  mediatores.  Video  quid  dicturi  sint,  qui  miscere  Christum  cum  Belial  parati  sunt,  modo  qualemcunque  pacem  redimant.  Nam  et  hominum  novi  ingenia,  et  dicteriis  pridem  assuevi.2)  Immodicae  nos  scilicet  morositatis  arguent,  qui  de  voce  una  et  externo  ritu  contentionem  non  necessariam  moveamus.  Nec  vero  mirum  est,  nos  hoc  nomine  ab  illis  accusari.  Loquuntur  enim  ut  sentiunt.  Sed  quum  nobis  melius  sentire  datum  sit,  confiteri  etiam  oportet,  quod  corde  credidimus.  Hanc  enim  legem  piis  omnibus  fert  spiritus  Dei:  Credidi,  propterea  loquar  (Psal.  116,  10).  Quum  nuper  mihi  a  bonis  viris  narratum  esset,  cornutum  quendam  ex  foetido  papalium  episcoporum  grege  caprum,3)  qui  iam  pridem  medius  inter  coelum  et  inferos  volitat,  ita  solere  loqui:  Nullam  sibi  videri  causam,  cur  fucatam  [pag.  161]  hanc  moderationis  formulam  amplecti  recusaremus:  respondi  1)  Add.  tellement  que  sa  seule  autorite  soit  le  vray  compas.  2)  ie  suis  battu  de  leurs  brocardz.  3)  Beza  et  Amst.  Caprum  scribunt  quasi  nomen  proprium.  Gallus  omisit  41*