49:646  c'est  un  monstre  contre  nature,  qu'il  soit  desia  ainsi  grand,  et  qu'on  ait  tant  poursuyvi  a  son  instruction,  et  cependant  qu'il  soit  tousiours  demeure  un  asnier  :  voyla  ce  qu'on  diroit.  Ainsi  donc  en  sera-il  de  nous,  et  ceste  reproche  nous  sera  faite:  Si  les  Iuifs  ont  profite  en  la  doctrine  qui  leur  estoit  enseignee  de  leur  temps,  et  que  cependant  nous  soyons  auiourd'huy  lourds  et  tardifs,  nous  serons  dignes  qu'on  nous  monstre  au  doigt,  et  nous  faudra  aller  cacher  de  honte.  D'autant  donc  que  nostre  Seigneur  nous  a  avancez  et  qu'auiourd'huy  ils  nous  a  mis  en  une  lecon  plus  haute,  et  nous  fait  cest  honneur  la  de  dire,  Ie  vous  enseigneray  maintenant  en  une  facon  plus  privee,  ie  me  rendray  du  tout  familier  a  vous:  comme  s'il  nous  desployoit  son  coeur,  il  faut  bien  craindre  que  nous  ne  soyons  encores  a  nostre  abc,  et  que  nous  na  sommes  comme  dit  Isaie,  ainsi  que  les  idiots  qui  ne  cognoissent  point  leurs  letres,  et  ne  scavent  lire,  pour  ce  qu'ils  n'ont  point  este  a  l'escole:  ou  bien  quand  nous  serons  contraints  de  confesser  que  nous  avons  este  enseignez,  que  nous  ne  disions  que  le  livre  nous  est  clos.  Et  pourquoy  les  livres  nous  sont-ils  clos,  sinon  d'autant  que  nous  bouchons  les  yeux  et  les  aureilles?  Notons  donc  que  d'autant  plus  devons  nous  estre  incitez  a  faire  nostre  profit,  et  recevoir  instruction  de  la  doctrine  de  l'Escriture  saincte,  quand  par  la  venue  de  nostre  Seigneur  Iesus  Christ,  Dieu  se  est  pleinement  revele  au  monde,  tellement  qu'auiourd'huy  nous  sommes  eclairez  du  soleil  comme  en  plein  midi.  A  cause  dequoy  nostre  Seigneur  Iesus  Christ  est  aussi  appele  le  Soleil  de  Iustice.  Or  nous  nous  prosternerons  devant  la  maieste  de  nostre  bon  Dieu  etc.  SIXIEME  SERMON.  1.  COR.  Chap.  X  v.  12-14.  Quand  on  nous  propose  les  exemples  qui  nous  peuvent  servir  pour  nostre  instruction,  quelquefois  nous  n'en  sommes  pas  beaucoup  touchez,  d'autant  que  nous  ne  pensons  point  a  nostre  fragilite:  et  que  ceux  qui  ont  failli  devant  nous,  et  sont  trebuschez  lourdement,  pouvoyent  avoir  autant  de  vertu  et  de  constance  qu'il  y  a  en  nous  et  plus:  nous  ne  pensons  point  (di-ie)  a  cela.  Et  voyla  pourquoy  sainct  Paul  maintenant  nous  met  devant  les  yeux  nostre  faiblesse,  disant  qu'il  ne  faut  point  que  nul  presume  de  soy,  encore  qu'il  soit  fortifie  par  la  grace  de  Dieu:  mais  que  nous  cheminions  en  crainte  et  en  sollicitude,  cognoissans  que  si  tost  que  Dieu  nous  aura  lasche  la  main,  nous  serons  comme  abatus,  et  ne  faudra  rien  pour  nous  vaincre.  Or  ce  n'est  point  sans  cause  qu'il  dit,  Celuy  qui  cuide  se  tenir  debout.  Car  c'est  un  vice  commun  que  d'estre  ainsi  aveuglez  en  outrecuidance:,  il  n'y  a  celuy  qui  ne  pense  estre  fort  et  robuste,  pour  resister  a  des  grans  combats.  Ainsi  nous  sommes  hardis  loin  des  coups:  mais  quand  ce  vient  a  l'espreuve,  nous  monstrons  qu'il  n'y  a  eu  que  folie  en  nous:  et  que  nous  estions  seulement  enflez  de  une  vaine  fantasie,  d'autant  que  nous  n'avions  pas  regarde  ce  que  nous  pouvions.  Et  voyla  qui  a  este  cause  de  la  cheute  de  Pierre:  car  il  luy  sembloit