48:646  doctrine.  Car  si  on  regarde,  les  vieux  seront  obstinez  et  inveterez  en  leur  mai,  et  ne  leur  scauroiton  faire  remonstrance  qui  leur  soit  profitable.  Les  ieunes  sont  desbordez  comme  diables,  et  si  on  leur  remonstre,  ils  entrent  dans  une  furie  qu'il  semblera  qu'ils  doyvent  ruiner  Dieu,  sa  Parolle,  et  ceux  qui  la  portent.  Or  Iesus  Christ,  qui  est  la  sagesse,  la  douceur  et  mansuetudo  du  Pere,  ne  veut  pas  avoir  communication  avec  tels  regnars  et  lions.  Et  si  on  leur  monstre  qu'il  faut  qu'ils  s'humilient  dessous  la  main  forte  de  Dieu,  afin  qu'ils  cognoissent  qu'ils  ont  un  Pere  au  ciel,  qui  aura  le  soin,  non  seulement  de  leur  nourriture  corporelle,  mais  aussi  qu'il  lea  entretiendra  et  gouvernera  par  son  sainct  Esprit,  ils  ne  se  soucient  point  de  tout  cela,  mais  veulent  estre  en  liberte,  pour  avoir  toute  licence  de  malfaire.  Or  puis  que  le  temps  ne  peut  porter  que  nous  en  disions  d'avantage,  nous  reserverons  le  reste  a��  Dimanche  prochain.  Et  puis  qu'ainsi  est  que  nous  ne  scaurions  estre  agreables  a  Dieu,  sinon  par  1O  moyen  de  nostre  Seigneur  Iesus  Christ,  nous-nous  prosternerons  devant  sa  face  au  nom  d'iceluy  etc.  QUATRIEME  SERMON.  ACTES  Ch.  II.  18.  Et  certes  en  ces  iours-la  Respandray  de  mon  Esprit  sur  mes  serviteurs  et  sur  mes  chambrieres,  et  prophetiser  ont.  19.  Et  feray  des  choses  merveilleuses  au  ciel  en  haut  et  signes  en  terre  en  bas,  sang  et  feu  et  vapeur  de  fumee.  20.  Le  soleil  se  convertira  en  tenebresy  et  la  lune  en  sang,  devant  que  le  grand  et  notable  iour  du  Seigneur  adviene.  21.  Et  adviendra  que  quiconque  invoquera  le  Nom  du  Seigneur  sera  sauve.  Dimanche  dernier  nous  monstrasmed,  comment  a  la  venue  de  Iesus  Christ  Dieu  avoit  espandu  ses  grands  thresors  au  monde,  tellement  que  et  hommes  et  femmes,  et  ieunes  et  vieux,  ont  este  participans  de  sa  grace.  Or  les  richesses,  qui  nous  ont  este  ^largies  par  la  bonte  de  Dieu,  n'ont  point  este  richesses  terriennes,  qui  peuvent  perir  et  prendre  fin:  mais  c'est  le  sainct  Esprit  duquel  toute  richesse  de  salut  procede.  D'avantage  nous  avons  monstre  que  cela  n'est  point  pour  une  fois  seulement,  mais  que  Dieu  est  prest  de  continuer  ce  qu'il  a  dit,  et  qu'auiourd'huy  mesmes  nous  sommes  enrichis  de  ses  graces,  s'il  ne  tient  a  nous.  Mais  nous  sommes  si  malheureux  que  nous  en  sommes  desnuez  par  nostre  ingratitude:  ii  n'est  pas  moins  liberal  auiourd'huy  qu'il  estoit  au  temps  des  Apostres,  pour  nous  faire  participans  d'une  mesme  grace  qu'il  leur  a  eslargie:  mais  nous  sommes  si  incredules  que  nous  luy  fermons  la  voye  par  laquelle  il  veut  venir  a,  nous.  Car  quand  il  nous  appelle  a,  soy  par  sa  Parolle,  pour  nous  faire  participans  de  son  sainct  Esprit,  nous  reculons:  et  semble  que  nous  ayons  conspire  de  nous  despiter  contre  luy.  Et  au  lieu  que  les  vieux  et  les  ieunes,  hommes  et  femmes,  sont  tous  appelez  pour  estre  participans  de  sa  grace,  et  qu'ils  deveroyent  s'efforcer  de  recevoir  le  S.  Esprit,  pour  y  perseverer  de  plus  en  plus,  nous  voyons  que  les  vieux  sont  plus  endurcis  et  plus  obstinez  que  les  autres,  les  ieunes  sont  desbordez  a��  tout  mal:  et  si  on  leur  remonstre,  ils  font  des  enragez,  tellement  qu'il  semble  qu'ils  doyvent  tout  ruiner.  Les  hommes,  au  lieu  qu'ils  deveroyent  estre  remplis  de  virilite  et  agilite  d'esprit,  pour  estre  attentifs  a  la  Parolle  de  Dieu,  sont  hebetez  comme  bestes  brutes.  Les  femmes,  au  lieu  qu'elles  deveroyent  estre  humbles,  et  cheminer  en  toute  modestie  et  honnestete,  sont  plenes  de  dissolutions,  de  pompes,  de  vanitez  et  de  toutes  vaines  superfluitez.  Si  dono  41*