35:646  Christ  nous  a  acquis  plenement  salut  en  ce  qu'il  a  este  sacrifie  a  Dieu  son  Pere:  mais  cependant  il  faut  que  nous  soyons  menacez  du  iugement  de  Dieu,  que  nous  cognoissions  combien  c'est  une  chose  enorme  que  nous  povres  vers  de  terre  venions  a  nous  eslever  contre  la  maieste  de  celuy  qui  nous  a  creez,  que  nous  violions  sa  iustice,  attendu  mesmes  que  nous  sommes  en  ce  monde  pour  le  servir  et  honorer.  Que  donc  nous  sentions  vivement  cela  en  nous,  afin  de  venir  a  nostre  Seigneur  Iesus  Christ.  Or  il  sembleroit  bien  de  prime  face  que  le  Prophete  eust  adiouste  yci  une  raison  estrange,  en  disant,  Pource  qu'il  a  este  retranche  de  ia  terre  des  vivans.  Car  a  ce  que  Iesus  Christ  fust  exalte,  et  que  maintenant  il  domine  au  ciel  et  en  la  terre,  il  ne  semble  pas  que  le  moyen  fust  propre,  que  premierement  ii  n'eust  a  estre  comme  retranche:  car  il  a  eu  devant  la  creation  du  monde  tousiours  ceste  gloire  en  laquelle  il  est  maintenant,  selon  qu'il  l'a  proteste  au  dixseptieme  chapitre  de  S.  Iehan.  Iesus  Christ  donc  ne  s'est  rien  acquis  de  nouveau  quant  a  son  essence  Divine.  Or  d'estre  comme  abysme  en  la  mort,  ce  n'est  pas  le  passage  pour  parvenir  a  la  gloire  celeste:  d'estre  condamne  par  un  homme  mortel,  ce  n'est  pas  pour  estre  constitue  Iuge  du  monde.  Mais  tant  y  a  que  Dieu  a  ainsi  voulu  besongner  outre  le  sens  humain:  et  ne  faut  pas  que  nous  apportions  yci  nostre  avis,  comme  si  nous  pouvions  trouver  a  redire  en  ce  conseil,  que  nous  scavons  estre  la  cause  et  la  source  de  nostre  salut:  Mais  en  toute  humilite  glorifier  Dieu,  de  ce  qu'il  a  voulu  que  son  Fils  fust  ainsi  retranche  de  la  terre  des  vivans.  Or  notamment  le  Prophete  parle  ainsi  comme  si  Iesus  Christ  eust  este  aboli  du  tout:  et  n'a  pas  voulu  exprimer  seulement  une  mort  commune,  mais  qui  estoit  pour  l'exterminer:  en  sorte  que  c'estoit  comme  si  la  memoire  de  luy  eust  este  plenement  abolie  et  effacee.  Car  combien  qu'il  salle  que  tous  hommes  meurent,  et  que  par  ce  moyen  ils  soyent  retranchez  de  la  terre  des  vivans,  si  est-ce  qu'on  a  veu  ceci  de  special  en  nostre  Seigneur  Iesus  Christ,  que  sa  mort  a  este  pour  le  forclorre  du  rang  des  hommes.  Car  il  y  a  eu  de  l'ignominie  (comme  nous  avons  dit)  il  y  a  eu  la  malediction  de  Dieu:  et  puis  il  y  a  quant  et  quant  les  gouffres  d'enfer:  non  pas  que  Iesus  Christ  y  ait  este  englouti:  mais  tant  y  a  qu'il  a  combatu  contre  les  angoisses  de  mort.  Ainsi  donc  ce  n'est  point  sans  cause  que  le  Prophete  le  propose  yci  comme  ayant  este  aboli  d'entre  les  hommes.  Mais  quoy  qu'il  en  soit,  par  ce  moyen  il  a  acquis  une  maieste  en  ceste  nature  qu'il  avoit  prinse  de  nous,  tellement  qu'auiourd'huy  estant  nostre  frere,  il  ne  laisse  pas  aussi  d'estre  nostre  Iuge.  Et  voyla  comme  sainct  Paul  en  parle,  41*