25:646  parolle.  Quand  donc  nous  montons  en  chaire,  ce  n'est  pas  pour  y  apporter  nos  songes  et  resveries.  Pourquoy?  Car  Dieu  se  reserve  tousiours  la  maistrise  et  superiorite  souveraine,  qu'il  veut  qu'on  recoy  ve  sa  parolle  pour  y  acquiescer  du  tout,  et  pour  n'en  point  fleschir:  puis  que  Dieu  Pa  ainsi  prononce,  il  faut  qu'on  s'y  arreste.  Et  si  ceci  eust  este  bien  observe  au  monde,  il  n'y  auroit  pas  auiourd'huy  de  si  grands  troubles  et  differents.  D'ou  viennent  les  debats  que  nous  avons  avec  les  Papistes,  sinon  qu'on  n'a  point  reserve  a  Dieu  ce  qui  luy  appartient,  qu'on  a  basti  des  articles  de  foy,  des  loix  et  des  statuts  au  plaisir  des  hommes,  et  qu'en  la  fin  on  est  venu  a  ceste  confusion  horrible  de  mesler  ce  qui  est  du  cerveau  humain  parmi  la  purete  de  l'Escriture  saincte,  qu'on  a  tout  prophane?  Et  comment  est-ce  qu'auiourd'huy  encores'les  Papistes  bataillent  pour  maintenir  ceste  tyrannie-la,  qu'on  n'y  cognoist  point  Dieu  entre  les  Apostres,  comme  eux-mesmes  se  condamnent,  et  se  couppent  la  gorge  par  ce  proverbe  qu'ils  ont  commun  ?  Ainsi  donc  notons  bien  ceste  doctrine,  quand  il  est  dit:  Que  le  iugement  est  de  Dieu,  c'est  a  dire  que,  la  superiorite  qu'ont  les  hommes  en  quelque  estat  que  ce  soit,  n'est  pas  pour  diminuer  la  preeminence  que  Dieu  a,  mais  plustost  pour  la  maintenir.  Que  sontce  donc  que  les  estats  honnestes,  et  toutes  les  dignitez  de  ce  monde?  Autant  de  moyens  pour  faire  que  Dieu  regne  entre  nous,  et  qu'un  chacun  s'humilie  sous  luy,  et  qu'on  le  cognoisse  pour  luy  obeir  en  tout  et  par  tout.  Ainsi  que  doyvent  faire  ies  Rois,  et  Empereurs  et  Magistrats?  que  Dieu  soit  exalte  et  magnifie,  comme  il  en  est  digne,  et  que  tous  leurs  suiets  luy  facent  hommage,  et  qu'ils  leur  monstrent  le  chemin.  Au  reste,  que  doyvent  faire  les  maistres,  et  les  peres,  et  tous  ceux  qui  ont  quelque  maniement  de  famille?  ils  doyvent  chacun  en  son  endroit  penser  combien  Dieu  l'a  honore.  Un  homme  qui  aura  des  enfans,  doit  considerer,  Tu  tiens  la  place  de  Dieu  en  ce  lieu  de  pere:  mais  si  est-ce  que  Dieu  ne  s'est  point  despouille  pour  te  revestir  de  son  honneur.  Quoy  donc?  Il  est  tousiours  le  pere,  et  de  moy  et  de  mes  enfans:  il  faut  donc  que  ie  tasche  a  faire  qu'il  soit  obey.  Un  maistre  quoy?  la  maistrise  est-elle  mienne?  Non:  Mais  c'est  Dieu  qui  m'a  fait  ceste  grace,  combien  que  ie  ne  l'aye  pas  merite:  il  luy  a  pleu  que  i'aye  quelque  famille  en  maniement,  et  quoy  qu'il  en  soit,  si  faut-il  qu'il  me  gouverne,  et  moy  et  tous  ceux  qui  sont  en  ma  suiettion.  Voila,  di-ie,  comme  nous  avons  a  pratiquer  ceste  doctrine.  Mais  quand  nous  aurons  passe  par  dessus  tous  les  estats  du  monde,  il  nous  faut  venir  a  ce  regime  spirituel  de  l'Eglise.  Ceux  donc  qui  sont  ordonnez  pour  annoncer  la  parolle  de  Dieu,  qu'ils  cognoissent  que  Dieu  ne  les  a  point  constituez  pour  mettre  leurs  resveries  en  avant,  41*