23:646  voulu  separer  du  rang  commun.  Car  il  faut  laisser  l'authorite  qu'ont  les  Rois  et  les  magistratz  de  faire  ce  qu'ils  cognoissent  estre  bon  pour  1a  police:  et  ceste  discretion  est  raisonnable.  Ainsi  donc  toutes  fois  et  quantes  que  nous  voyons  que  Dieu  a  voulu  suvenir  a  son  Eglise  par  ceux  qu'il  a  ordonnez  comme  ministres  de  la  redemption  et  du  salut  qu'il  avoit  appreste,  cognoissons  que  ce  sont  des  actes  singuliers,  que  la  main  de  Dieu  y  a  passe,  et  que  ceux-la  ont  este  choisis  de  luy:  qu'ils  ont  este  armes  de  son  authorite  et  de  sa  puissance.  Mais  de  dire  que  chacun  s'avance  a  en  faire  autant,  ce  seroit,  comme  i'ay  dit,  une  horrible  confusion.  Voila  donc  ce  que  nous  avons  a  retenir  quant  a  ce  qui  est  ici  recite  d'Abram,  c'est  assavoir  que  Dieu  desia  luy  a  voulu  donner  quelque  enseigne  que  ce  n'estoit  pas  en  vain  qu'il  l'avoit  constitue  seigneur  et  maistre  du  pais  [pag.  23]  de  Canaan:  et  puis  en  ceste  victoire  il  luy  a  donne  aussi  quelque  petit  goust  que  ses  successeurs  devoyent  entrer  en  la  terre:  et  quelque  force  qui  s'y  opposast,  qu'ils  ne  seroyent  point  empechez  d'avoir  victoire  par  tout.  Car  combien  que  l'armee  de  ces  Rois  dont  fut  hier  parle,  ne  fust  pas  de  trente  ou  de  quarante  mille  nommes,  tant  y  a  qu'Abram  avoit  seulement  ceux  de  sa  maison,  trois  cens  et  dixhuit  serviteurs.  Or  de  dire  qu'ils  fussent  aguerriz,  ce  seroit  une  mocquerie:  d'autant  qu'Abram  n'avoit  iamais  este  en  guerre,  il  ne  savoit  que  c'estoit  de  manier  espee  ny  bouclier.  Touchant  de  ceux  qui  estoyent  alliez  avec  luy,  tant  s'en  faut  que  cela  luy  deust  donner  plus  grande  fiance,  que  c'estoit  pour  1e  faire  craindre  davantage.  Car  ils  pouvoyent  alleguer,  Cest  estrangier  icy  nous  viendra  ruiner  tous:  car  voila  quatre  Rois  qui  ont  este  victorieux,  ils  ont  pille  Sodome  et  Gomorrhe  et  les  villes  voisines,  et  nous  viendrons  nous  ruer  sur  eux?  c'est  comme  si  nous  voulions  perir  a  nostre  escient.  Abram  donc  se  voyant  comme  destitue,  devoit  quant  a  l'opinion  commune  plustost  se  tenir  quoy.  Et  de  prime  face  c'estoit  une  grande  folie  a  luy,  d'armer  trois  cens  dixhuit  serviteurs:  et  luy  qui  estoit  un  povre  vieillard,  faire  office  de  capitaine:  luy  qui  iamais  n'avoit  seu  que  c'estoit  de  guerre  ny  de  bataille,  comme  nous  avons  dit,  et  ne  l'avoit  voulu  [pag.  24]  savoir,  et  cependant  qu'il  se  iecte  a  l'abandon.  Mais  tant  plus  devons  nous  observer  ce  que  i'ay  touche,  c'est  assavoir  que  Dieu  luy  a  voulu  monstrer  par  cela,  quand  il  voudroit  mettre  en  iouissance  de  la  terre  ses  successeurs,  qu'il  n'y  avoit  nulle  difficulte,  puis  qu'il  luy  donnoit  une  victoire  si  notable:  ce  qu'on  n'eust  iamais  creu,  quand  on  en  eust  voulu  iuger  selon  le  sens  humain.  Voila  donc  en  somme  ce  que  nous  avons  a  retenir  quant  a  ce  point,  ou  il  dit  qu'Abr  am  a  arme  ses  serviteurs.  Nous  voyons  comme  Dieu  luy  a  donne  prudence,  encores  qu'iL  41*