7:645  645  BEFORHANDAE  RATIO.  646  inde  captant  quae  possunt  testimonia,  multaque  suis  cavillis  depravant,  ut  obiecto  antiquitatis  fumo,  divinae  veritatis  lucem  obscurent.  Interea  quantum  ab  antiquitate  ipsi  dissideant,  nolunt  inquiri.  Palam  [pag.  158]  tamen  est.  Cuius  rei  in  missae  sacrificio  illustre  specimen  habemus.  Ut  vulgares  Sorbonistas  omittam,  mediatores  nostri  pro  tuendo  missae  sacrificio,  et  vetustum  loquendi  usum  et  sacrificandi  ritum  praetexunt.  Utrumque  illis  concedo:  veteres  non  modo  sacrificii  voce  abusos  esse,  sed  etiam  caeremonia.  Verum,  si  reputemus,  quantum  a  veterum  corruptela  distet  quae  nunc  ab  ipsis  fucatur  impietas,  immensum  est  fere  intervallum.  Qualecunque  erat  quod  agebant  veteres,  sacrificii*)  memoriam  esse  interpretantur.  Isti  antiquarii  (ut  haberi  volunt)  memoria  non  contenti,  applicationem  inculcant,  ut  paulo  post  videbimus.  Etsi  autem  puri  ab  impia  superstitione,  quae  postea  invaluit,  fuerunt  veteres:  non  tamen  prorsus  excusandi  sunt:  quatenus  scilicet  ipsos  apparet  a  puro  et  genuino  Christi  instituto  deflexisse.  Nam  quum  in  hunc  finem  celebranda  sit  coena,  ut  sacrificio  Christi  communicemus  :  eo  non  contenti  oblationem  quoque  addiderunt.  Hoc  auctarium  vitiosum  fuisse  dico:  partim  quia  beneficium  Christi  morte  nobis  praestitum  obscurat,  partim  quia  alienum  est  a  sacrae  coenae  natura.  Officium  Christi  fuit,  se  Deo  offerre.  Iam  non  aliae  nobis  restant  partes,  quam  ut  vescamur.  Qui  in  sola  receptione  non  acquiescit,  sed  appetit  sacrificii  imaginem,  minus  quam  par  erat  tribuit  et  morti  qua  defunctus  est  Christus,  et  coenae  mysterio  quod  in  mortis  suae  memoriam  reliquit.  Nunc  ut  millies  clament  vel  papistae,  vel  alii  papistis  non  multum  dissimiles,  oblatum  olim  fuisse  panem,  veteres  ita  solitos  facere,  non  novam  esse  consuetudinem:  toties  excipere  nobis  licebit,  Christi  mandatum  inviolabilem  [pag.  159]  esse  regulam,  quae  nulla  hominum  consuetudine,  nulla  praescriptione  temporum,  nullis  novis  placitis  convelli  aut  refigi  debeat.  Respondi  quod  videbatur  de  patrum  autoritate.  Itaque,  quum  mediatores  concludunt,  ecclesiam  secundum  scripturae  sanctorumque  patrum  testimonia  duo  sacrificia  agnoscere:  in  altero  mentiuntur,  in  altero  errant,  plus  hominum  placitis  aut  opinioni,  quam  debeatur,  tribuendo.  Scripturam  enim,  quae  tota  ubique  illis  reclamat,  falso  praetexunt,  adeoque  turpiter  lacerant,  ut  ne  pueris  quidem,  qui  duntaxat  moniti  fuerint,  fucum  sint  facturi.  Certe  plus  quam  aperte  refutavi  eorum  nequitiam.  Quod  ad  veteres  spectat,  non  est  quod  in  eorum  gratiam  ab  aeterna  et  inflexibili2)  Dei  veritate  recedamus.  1)  du  sacrifice  fait  par  le  Filz  de  Dieu.  2)  laquelle  ne  se  peut  fleschir  ne  plier  a  l'appetit  des  hommes.