49:645  645  SUR  L'EPITRE  AUX  CORINTHIENS.  646  que  les  Iuifs  fussent  admonestez  a  pratiquer  la  doctrine  qui  est  contenue  en  la  Loy  :  on  leur  a  monstre  que  si  leurs  peres  n'avoyent  point  este  espargnez,  il  faudroit  qu'ils  passassent  par  une  mesme  condamnation  s'ils  les  ensuyvoyent:  et  que  si  Dieu  n'eust  reserve  quelque  semence  par  sa  pure  bonte,  ils  estoyent  tous  exterminez.  Tant  y  a  (disoyent  donc  les  Saincts  serviteurs  de  Dieu)  qu'il  ne  faut  point  que  nous  soyons  endurcis  comme  nos  Peres.  Or  s'il  a  falu  que  les  Iuifs  profitassent  en  telles  reprehensions:  auiourd'huy  nous  y  devons  estre  attentifs  au  double.  Et  pourquoy  ?  Car  la  fin  des  aages  est  parvenue  a  nous.  Les  Iuifs  n'ont  este  qu'a  demi  enseignez  en  comparaison  de  ceux  ausquels  l'Evangile  est  publie.  Car  Dieu  parle  a  nous  maintenant  a  plene  bouche  comme  aussi  nostre  Seigneur  Iesus  Christ  disoit  a  ses  disciples,  Ie  ne  vous  appelleray  plus  serviteurs,  mais  ie  vous  appelleray  mes  amis,  d'autant  que  ie  me  declare  si  priveement  envers  vous.  Et  c'est  ce  qui  est  dit  aussi,  que  le  Fils  qui  est  au  sein  du  Pere  nous  a  revele  les  choses  qui  estoyent  auparavant  incognues  :  et  que  nous  sommes  preferez  a  tous  les  saincts  Rois  qui  ont  vescu  de  ce  temps  la,  et  aux  saincts  Prophetes  :  comme  il  en  est  parle  en  d'autres  passages.  Puis  qu'ainsi  est  donc,  que  Dieu  auiourd'huy  nous  a  tant  avancez  que  nous  sommes  a  la  plus  grande  lecon  (comme  on  dit)  et  a  la  plus  haute:  que  nous  pensions  a  nous  et  ne  soyons  point  de  gros  asniers.  Car  que  seroit-ce  si  les  enfans  qui  sont  de  la  plus  haute  reigle,  estoyent  des  asniers,  et  que  ceux  qui  sont  plus  bas,  eussent  mieux  profite?  Que  diroit-on?  ne  seroit-ce  point  a  leur  confusion,  tellement  qu'on  diroit  qu'on  a  perdu  et  l'argent  et  le  temps?  Ho,  le  vilain  (dira  chacun)