48:645  645  DE  LA  PENTECOSTE.  646  Esprit,  sans  en  distribuer  aux  autres?  Or  c'est  un  abus  d'amener  telles  excuses  en  avant.  Quand  donc  nous  voyons  que  Dieu  est  si  liberal  qu'il  ne  veut  exclure  ni  aage  ni  sexe  de  la  reception  de  son  sainct  Esprit,  ne  sommes  nous  pas  bien  malheureux  de  reculer  quand  ii  approche  de  nous?  Et  de  faict  il  est  parle  yci  de  la  Prophetie  qui  devoit  estre  accomplie  a  la  venue  de  Iesus  Christ.  Puis  qu'ainsi  est  donc  qu'il  regne  auiourd'huy,  il  faut  qu'elle  se  declare  et  que  nous  cognoissions  que  ce  qui  en  a  este  predit  est  veritable.  Et  malheur  sur  nous  puis  qu'il  nous  appert  si  clairement  de  ce  qui  en  a  este  dit,  si  nous  ne  faisons  autrement  nostre  devoir  de  cheminer  en  la  crainte  de  Dieu,  et  de  recevoir  les  graces  qui  nous  sont  par  luy  presentees.  I'ay  desia  dit  qu'il  n'y  a  nul  excepte,  mais  sommes  si  meschans  que  nous  ne  pouvons  accepter  ce  qui  nous  est  donne.  Et  qui  en  est  cause?  nostre  infidelite.  Et  pourtant  c'est  un  vice  inexcusable,  et  aux  ieunes  et  aux  vieux,  quand  ils  ne  se  veulent  ranger  a  l'obeissance  de  Dieu  veu  qu'ils  y  sont  tous  appelez.  Et  il  ne  se  faut  point  esbahir  si  Ton  voit  qu'ils  profitent  si  mal  en  la