35:645  645  DE  LA  PROPHETIE  DE  CHRIST.  64$  menus  fatras,  voyla  Dieu  qui  doit  bien  estre  appaise,  comme  un  enfant  d'une  petite  hochete.  Voyla  donc  comme  ces  mocqueurs  de  Dieu  pourront  bien  blasphemer  contre  la  doctrine  de  l'Evangile.  Mais  quand  nous  aurons  cognu  nos  pechez,  et  a  quelle  fin  la  grace  de  Dieu  inestimable  nous  est  preschee,  il  est  certain  que  nous  serons  touchez  de  repentance,  et  que  nous  serons  navrez  mortellement  d'horreur  et  d'angoisse,  voyans  que  Dieu  nous  est  contraire,  d'autant  que  nous  avons  provoque  son  ire.  Et  c'est  ce  que  le  Prophete  a  voulu  dire  yci,  que  Iesus  Christ  a  soustenu  les  playes  qui  nous  estoyent  deues.  En  quoy  il  monstre  que  iamais  nous  ne  pourrons  bien  sentir  au  vif  de  quoy  a  profite  la  mort  et  passion  de  nostre  Seigneur  Iesus  Christ  que  nous  ne  soyons  bien  touchez  la  dedans,  d'avoir  offense  nostre  Dieu,  et  de  l'avoir  constitue  comme  nostre  iuge  et  ennemi,  iusques  a  ce  que  nous  soyons  reconciliez  a  luy  par  sa  pure  bonte.  Or  ceci  nous  est  assez  souvent  monstre  en  l'Escriture  saincte  :  mais  le  tout  est  que  nous  y  applicquions  nostre  sens  et  nostre  estude.  Quoy  qu'il  en  soit,  nous  voyons  que  nostre  Seigneur  Iesus  Christ  n'appelle  sinon  ceux  qui  sont  chargez  et  travaillez.  Par  cela  il  exclud  tous  ceux  qui  sont  endormis  en  leurs  iniquitez,  qui  s'y  flattent,  ou  bien  se  iettent  a  l'abandon  sans  aucune  crainte  de  Dieu.  Ceux  donc  qui  sont  ainsi  desbordez  a  tout  mal,  ne  peuvent  approcher  de  nostre  Seigneur  Iesus  Christ:  c'est  une  chose  certaine.  Car  qui  nous  donnera  entree  a  luy,  sinon  la  voix  par  laquelle  il  nous  convie?  Autant  en  est-il  de  ceux  qui  s'aveuglent  en  leur  orgueil  et  presomption,  qui  se  font  a  croire  qu'ils  sont  iustes  en  eux  mesmes:  il  est  certain  qu'a  ceux-la  aussi  la  porte  est  close,  et  qu'ils  ne  peuvent  pas  esperer  que  nostre  Seigneur  Iesus  Christ  leur  apporte  aucun  soulagement.  Et  pourquoy?  Venez  a  moy,  dit-il.  Et  comment?  Tout  le  monde.  Il  est  vray  qu'il  appelle  bien  tout  le  monde,  mais  il  distingue,  Vous  qui  estes  chargez  et  travaillez.  Apres  avoir  appele  tous  ceux  qui  ont  besoin  de  son  secours,  il  monstre  que  nul  n'en  peut  estre  participant  sinon  qu'il  soit  charge  et  travaille.  Quand  donc  nous  sentirons  nostre  fardeau,  et  gemirons  dessous,  cognoissans  que  nous  n'en  pouvons  plus,  voyla  comme  le  chemin  nous  sera  fait  et  ouvert  pour  venir  a  nostre  Seigneur  Iesus  Christ:  car  il  a  les  bras  estendus  pour  nous  recevoir.  Comme  aussi  nous  verrons  ci  apres  qu'il  a  este  envoye  pour  prescher  a,  ceux  ��qui  sont  abbatus  en  leur  coeur.  Il  faut  donc  que  nous  soyons  sacrifiez  en  ceste  maniere,  pour  estre  conformez  a  nostre  Seigneur  Iesus  Christ.  Il  est  vray  que  le  sacrifice  qu'il  a  offert  est  nostre  plene  esperance  :  c'est  a  dire  qu'il  ne  faut  point  que  nous  presumions  de  rien  adiouster  du  nostre.  Iesus