[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


25:645  645  SUR  LE  DEUTER.  CHAP.  I.  646  ne  seray  plus  rien.  Dieu  donc  quand  il  establit  ainsi  des  gens  en  office  n'amoindrit  point  sa  condition  pour  cela:  car  il  a  tousiours  l'empire  souverain  par  dessus  tous  hommes,  lesquels  ne  doyvent  estre  sinon  instrumens  de  sa  vertu:  et  par  consequent  le  doyvent  servir,  rapportant  le  tout  a  luy.  Si  ceste  doctrine  estoit  bien  cognue,  les  rois  et  les  princes  ne  domineroyent  point  auiourd'huy  en  telle  licence  qu'ils  font,  et  de  tous  temps  on  y  eust  veu  une  autre  modestie  qu'on  n'y  voit  point.  Oar  ceux  qui  sont  eslevez  en  honneur,  cuident  que  lo  monde  soit  fait  pour  eux,  et  pour  leurs  beaux  yeux  (comme  on  dit)  et  la  dessus  iis  reiettent  toutes  remonstrances,  toutes  loix  et  statuts,  et  secouent  le  ioug  de  leur  col,  comme  s'ils  tenoyent  tout  en  leur  liberte,  Dieu  ne  leur  est  plus  rien.  Or  tant  y  a  qu'en  ce  passage  Moyse  monstre,  que  quand  il  y  a  des  rois  et  des  princes,  que  leur  superiorite  ne  doit  pas  pourtant  diminuer  l'authorite  de  Dieu,  que  sa  gloire  ne  demeure  tousiours  en  son  entier.  Pourquoy?  les  Princes  du  monde  que  sont-ils  sinon  officiers  de  Dieu,  afin  que  par  leur  moyen  il  soit  obey,  et  que  tous  luy  facent  hommage,  et  que  ceux  qui  sont  les  plus  hauts  commencent,  et  qu'ils  monstrent  l'exemple  aux  petis?  Puis  donc  que  le  iugement  est  de  Dieu,  ceux  qui  auront  perverti  l'ordre  et  la  police,  quand  ils  estoyent  appelez  a  faire  leur  devoir,  ceux-la  seront  coulpables  au  double.  Et  ainsi  les  Rois,  et  les  princes  auront  un  conte  bien  difficile  a  rendre,  et  aussi  tous  ceux  qui  sont  en  estat  de  iustice  :  car  s'ils  y  faillent,  ils  ne  sont  point  seulement  tenus  aux  hommes,  et  n'ont  point  seulement  offense  les  creatures,  mais  la  maieste  de  Dieu  y  est  violee,  son  siege  est  souille.  Et  pourquoy?  d'autant  que  le  iugement  luy  appartient,  et  se  l'est  reserve.  Mais  comme  ceci  est  dit  de  l'estat  de  la  iustice,  aussi  notons  qu'il  appartient  au  regime  spirituel  que  Dieu  a  institue  en  son  Eglise:  voire  et  doit  estre  ceste  doctrine  observee  plus  estroitement  en  cest  endroit,  qu'en  la  police  terrienne.  Pourquoy?  Quand  les  Rois,  les  Princes  et  Magistrats  sont  instituez,  Dieu  leur  donne  quant  et  quant  l'authorite  de  faire  des  loix.  Il  est  vray  qu'ils  les  doyvent  apprendre  en  son  escole,  comme  il  est  dit:  Que  c'est  par  la  sagesse  de  Dieu  que  les  statuts  tiennent,  et  les  polices  qui  se  font.  Mais  tant  y  a,  qu'encores  les  loix  civiles  elles  sont  faites  par  les  hommes.  Or  cependant  si  est-ce  que  Dieu  n'a  rien  quitte,  que  tousiours  il  ne  tienne  l'empire  souverain  par  dessus  les  hommes,  ie  di  quant  a  la  police  exterieure.  Or  du  regime  spirituel  de  l'Eglise,  nous  savons  que  Dieu  veut  estre  escoute,  sur  tout  qu'on  so  renge  a  sa  parolle,  que  les  hommes  n'entreprennent  point  de  faire  ne  loix  ne  statuts:  mais  qu'ils  se  contentent  de  ce  qu'il  leur  commande.  Car  c'est  la  vraye  perfection  que  ceste  reigle  qui  est  contenue  en  sa   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci