23:645  645  SERMONS.  646  pour  se  retirer  de  ceste  commission.  En  quoy  il  monstre  qu'il  n'avoit  point  fait  cest  acte,  d'une  fole  audace:  et  Dieu  en  cela  declaire  qu'il  avoit  reserve  son  serviteur,  en  luy  faisant  faire  cest  acte  seul,  pour  l'employer  puis  apres  en  choses  plus  grandes  quand  le  temps  seroit  venu.  Ainsi  donc  Dieu  a  peu  donner  pour  un  coup  conge  et  liberte  a  son  serviteur  Abram  d'exercer  puissance  de  glaive,  combien  qu'encores  il  ne  fust  pas  mis  en  possession  de  la  terre  qu'il  luy  avoit  promise.  Et  puis  il  y  a  a  noter  aussi,  que  Dieu  donne  souventesfois  a  ses  serviteurs  des  mouvemens  singuliers,  lesquels  ne  se  doyvent  pas  tirer  en  consequence.  Le  livre  des  Iuges  nous  est  un  beau  miroer  de  cela:  car  autant  que  ce  livre-la  raconte  de  gens  que  Dieu  a  suscitez  pour  secourir  son  peuple,  ce  sont  autant  de  tesmoignages  pour  nous  monstrer  qu'il  n'y  aura  pas  tousiours  election  notoire,  quand  quelqu'un  sera  arme  du  glaive  et  d'authorite.  Gedeon  a-il  este  eleu?  Il  est  [pag.  21]  bien  certain  que  non.  Samson  non  plus,  ne  tous  les  autres.  Il  n'en  faut  point  reciter  ne  trois  ne  quatre:  car  comme  i'ay  dit,  tous  ceux  dont  il  est  la  fait  mention,  ont  este  choisis  de  Dieu,  voire  sans  qu'ils  y  pensassent.  Voila  Gedeon  qui  doute  et  est  en  grande  perplexite  :  il  faut  que  de  Dieu  luy  soit  donne  signe  evident  de  vocation:  il  faut  qu'il  redouble  quand  il  a  obtenu  ce  qu'il  demandoit:  encore  ne  luy  suffist  il  point.  Nous  voyons  donc  qu'il  est  plein  de  timidite:  mais  Dieu  l'a  choisi  et  ordonne  a  ce  qu'il  delivre  son  peuple,  tellement  qu'avec  trois  cens  hommes  il  deconfit  une  grande  bande,  voire  une  grosse  armee  et  puissante.  Tout  ce  qui  nous  est  la  recite  n'est  pas  pour  en  faire  reigle  generale.  Ce  seroit  follement  argue  a  nous,  et  ce  seroit  une  badinerie  quand  nous  dirions,  Voila  Dieu  qui  a  rachete  son  Eglise  de  la  tyrannie  des  meschans  et  incredules,  par  le  moyen  de  Iephthe,  par  le  moyen  de  Samson,  par  le  moyen  de  Gedeon,  et  de  leurs  semblables:  ainsi  en  sera-il  donques  si  nous  voyons  les  enfans  de  Dieu  estre  iniustement  opprimez,  il  nous  sera  licite  de  prendre  les  armes  pour  les  secourir.  Or  cest  argument-la  est  trop  cornu.  Car  il  faudroit  que  nous  eussions  l'esprit  de  ceux  que  nous  pretendons,  c'est  a  dire,  que  nous  eussions  certitude  que  Dieu  nous  appelle  ainsi.  Pourquoy?  car,  comme  i'ay  dit,  ils  ont  eu  des  mouvements  [pag.  22]  particuliers,  comme  il  y  aura  des  privileges  d'une  loy  commune.  Ainsi  en  toutes  choses  il  nous  faut  noter  que  quand  Dieu  besogne  outre  la  reigle  commune,  qui  est  fondee  en  sa  parole,  c'est  un  privilege  qu'il  ne  faut  pas  usurper.  Car  il  est  a  un  Roy  ou  a  un  conseil  de  donner  certain  privilege  a  quelqu'un,  et  la  raison  qu'il  aura  eue  me  sera  incognue:  si  ie  veux  faire  le  semblable  que  celuy  qui  sera  privilege,  c'est  comme  m'attacher  a  celuy  qui  l'avoit