6:644  doctor  gentium,  praesertim  2.  Thess.  2.  et.  Timoth.  4.  et  2.  Timoth.  3.  4.  Idem  graviter  deterret  Corinthios  a  communione  idolothytorum,  etiam  scientes  idolum  nihil  esse  (1  Cor.  8,  10).  Iudas  quoque  apostolus  hoc  argumentum  versat.  Danielis  autem  prophetias  accommodatas  esse  novissimis  temporibus,  ut  ecclesiae  filios  instruant,  confitentur  pii  omnes,  ut  cap.  7.  8.11.  12.  Zacharias  quoque  vaticiniis  suis  erudit  nos  adversum  doctrinas  pestiferas,  ut  cap.  5.  et  11.  et  12.  et  13.  et  14.  Sunt  autem  exempla  magna  et  illustria,  quae  doctrinam  hanc  muniant.  In  veteri  enim  ecclesia  prophetae  usque  adeo  non  assensere  doctrinis  falsis,  et  ritibus  iam  receptis  et  vulgo  approbatis,  ut  oppugnarint  etiam  usque  ad  vitae  [pag.  343]  periculum.  Idem  fecerunt  saeviente  Antiocho  Eleazar,  Mattathias,  et  multi  alii.  Apostoli  quoque  et  martyres  et  confessores  vitae  suae  dispendio  testati  sunt,  magis  obediendum  esse  Deo  quam  hominibus.  Exempla  plurima  confessorum  et  martyrum  suppeditat  nobis  ecclesiastica  historia,  Eusebii  inprimis,  ut  Polycarpi  lib.  4.  cap.  15.  Blandinae  item  mulieris  sanctissimae,  et  multorum  aliorum,  lib.  5.  cap.  1.  2.  3,  item  lib.  6.  cap.  31;  lib.  8.  cap.  3.  Exclamabant,  ait,  martyres  ad  templa  idolorum  adducti,  ac  iam  in  tormentis,  ingenti  voce,  et  testabantur  se  non  sacrificasse,  sed  esse  Christianos:  tali  se  gaudentes  confessione  decorari.  Nonnulli  etiam  maiori  fiducia  neque  immolasse,  neque  unquam  immolaturos  esse  testabantur:  quibus  tamen  ab  assistentibus  militibus  ora  continuo  atque  oculi  contundebantur  ut  tacerent,  et  violenter  expellebantur  tanquam  acquievissent,  etc.  In  eodem  et  sequenti  lib.  9.  innumera  alia  liberarum  confessionum  exempla  exhibentur.  Huc  pertinet  et  exemplum  militum  Iuliani  libere  confitentium  Christum.  Nam  alii  quidem  vexillum  imperatorium,  in  quo  pictae  erant  Iovis,  Mercurii  et  Martis  imagines,  adorare  ut,  moris  erat  renuerunt,  alii  vero  donativa,  quae  per  ignorantiam  [pag.  344]  non  sine  superstitionis  suspicione  e  manu  Imperatoris  acceperant,  Imperatori  restituebant,  clamantes  se  esse  Christianos,  et  in  ea  professione  permanere:  per  ignorantiam  autem,  quod  fecerant,  fecisse,  adeoque  manum  solam  paganam  esse,  conscientiam  vero  nihil  simul  egisse.  Locus  exstat  in  Trip.  Hist.  lib.  6.  cap.  30.  Ex  quibus  omnibus  perpicuum  fit,  homini  christiano  minime  licere,  ut  doctrinas,  aut  fidem,  aut  actiones,  institutis  Christi  adversantes,  vel  per  simulationem  approbet.  17.  Iunii  anno  1549.  Pastores  et  lectores  ministri  ecclesiae  Tigurinae  in  Helvetia.  BRUNSVIGAE,  TYPIS  M.  BRUHNII.