35:644  ment  occis,  mais  il  nous  faut  eslever  les  yeux  de  nostre  foy,  a  ce  conseil  de  Dieu  par  lequel  il  avoit  ordonne  que  Iesus  Christ  fust  sacrifie,  afin  de  nous  acquerir  remission  de  nos  pechez.  Puis  qu'ainsi  est  donc,  nous  avons  tousiours  a  conclure  que  Iesus  Christ  n'a  point  souffert  pour  soy,  mais  qu'il  a  endure  et  souffert  les  playes  qui  nous  estoyent  deues.  *Or  yci  en  premier  lieu  nous  sommes  exhortez  d'entrer  en  cognoissance  et  examen  de  nos  pechez,  quand  la  mort  et  passion  de  nostre  Seigneur  Iesus  nous  est  mise  devant,  ll  est  vray  que  la  Dieu  desploye  les  thresors  infinis  de  sa  bonte:  comme  de  faict,  quand  Sainct  Paul  a  traitte  que  nous  avons  este  iustifiez  par  nostre  Seigneur  Iesus  Christ,  et  qu'estans  appuyez  sur  sa  mort  et  passion,  maintenant  nous  pouvons  hardiment  nous  presenter  devant  Dieu  et  nous  glorifier  qu'il  nous  aura  tousiours  agreables:  Sainct  Paul,  di-ie,  apres  avoir  traitte  ceste  doctrine,  qu'estans  povres  pecheurs,  si  est-ce  que  iamais  nous  ne  serons  deboutez  de  Dieu,  mais  qu'il  nous  supportera  pource  qu'il  nous  recoit  au  nom  de  son  Fils  unique,  il  adiouste,  Ie  vous  prie  mes  freres,  par  les  entrailles  de  la  bonte  et  de  la  misericorde  de  Dieu.  En  quoy  il  monstre  qu'en  ce  que  Iesus  Christ  a  souffert,  nous  avons  un  tesmoignage  de  l'amour  infinie  de  Dieu  :  comme  s'il  nous  descouvrait  son  coeur:  et  qu'il  nous  meist  en  avant  ses  entrailles  pour  nous  testifier  combien  nous  luy  sommes  chers,  et  combien  nos  ames  luy  sont  precieuses.  Mais  cela  pourtant  ne  nous  doit  pas  endormir,  en  sorte  que  chacun  se  plaise  en  ses  pechez:  car  d'autant  plus  que  Dieu  s'est  monstre  liberal  en  la  personne  de  nostre  Seigneur  Iesus  Christ,  nous  devons  sentir  d'autre  coste  quelle  enormite  il  y  a  en  ce  que  nous  luy  sommes  ennemis,  et  que  nous  bataillons  contre  sa  iustice  que  nous  le  despitons  a  l'encontre  de  nous:  car  la  grace  que  Dieu  nous  monstre  en  nostre  Seigneur  Iesus  Christ,  nous  doit  tousiours  attirer  a  repentance.  Auiourd'huy  les  Papistes  taschent  de  calomnier  faussement  la  doctrine  que  nous  preschons,  qu'il  nous  faut  estre  sauvez  par  la  bonte  gratuite  de  Dieu,  et  qu'il  nous  faut  avoir  nostre  refuge  a  Iesus  Christ,  scachans  que  c'est  la  ou  nous  avons  toute  perfection  de  iustice.  Voire,  disent-ils,  et  il  faudra  donc  que  chacun  vive  a  son  appetit,  et  qu'on  ne  face  plus  nul  scrupule  d'offenser  Dieu.  Or  il  est  vray  que  ces  chiens-la  peuvent  abbayer  en  telle  sorte,  d'autant  que  iamais  ils  n'ont  gouste  que  c'est  de  la  remission  des  pechez.  Car  ces  caphars  se  mocquent  plenement  de  Dieu,  et  de  toute  religion,  et  iamais  n'ont  apprehende  que  c'est  d'avoir  transgresse  la  Loy  de  Dieu.  Et  nous  voyons  aussi  comme  iis  pensent  s'acquitter.  S'ils  ont  chante  messe,  s'ils  ont  barbote,  s'ils  ont  fait  des  petis  badinages  et