25:644  versite.  D'autant  plus  donc  nous  faut-il  noter  ceste  sentence,  ou  il  nous  est  declare,  que  quand  Dieu  vient  en  avant,  il  n'est  plus  question  de  rien  deferer  aux  hommes:  car  c'est  un  sacrilege  par  trop  grand,  que  les  hommes,  ou  les  creatures  soyent  en  telle  estime,  que  le  droict  de  Dieu  soit  obscurci,  ou  qu'on  luy  en  ravisse  quelque  chose.  Et  toutesfois  nous  voyons  que  cela  est  par  trop  commun:  qui  nous  empesche  que  nous  ne  servions  a  Dieu  comme  il  appartient.  Il  est  vray  que  chacun  sera  destourne  de  ses  propres  concupiscences:  encores  que  nul  d'ailleurs  ne  nous  resiste,  nous  aurons  nos  destourbier  interieurs,  que  nostre  nature  est  si  vicieuse,  que  nous  ne  pouvons  nous  appliquer  en  facon  que  ce  soit,  a  bien  faire.  Si  est-ce  neantmoins  qu'encores  ce  mal  ici  y  est,  que  quand  un  homme  viendra  en  avant,  nous  voila  comme  esperdus.  Ie  voudroye  bien  faire  mon  devoir  (dirons-nous)  mais  quoy?  Il  faudra  que  i'acquiere  la  haine  d'un  tel:  auiourd'huy  on  voit  qu'on  ne  peut  point  gratifier  au  monde,  sinon  en  hurlant  avec  les  loups  (comme  on  dit)  et  il  est  force  de  suyvre  les  autres.  Et  puis,  voici  mon  voisin,  i'auroye  tous  les  iours  la  guerre  a  luy,  si  ie  ne  me  conformoye  a  sa  maniere  de  faire:  voici  un  tel  qui  est  mon  ami,  il  faut  que  ie  le  supporte.  Voila  d'ou  viennent  les  maquerelages,  et  toutes  autres  villenies,  qu'un  chacun  pour  complaire  a.  son  prochain,  et  a  son  ami  despitera  Dieu.  Car  quand  les  vices  regnent,  les  paillardises,  les  yvrongneries  et  autres  dissolutions,  qu'un  chacun  est  infecte  a  l'exemple  de  son  prochain,  et  prend  on  les  maladies  de  l'un  a  l'autre:  qui  est  cause  de  tout  cela?  C'est  que  nous  eslevons  les  hommes  par  trop,  et  ne  cognoissons  point  qu'il  nous  faudroit  abbaisser  et  grands,  et  petits,  et  estre  attentifs  a  nous  conformer  a  la  volonte  de  Dieu.  Ainsi  donc  retenons  tant  mieux  ceste  doctrine  qui  nous  est  ici  declaree,  non  seulement  aux  iuges,  mais  a  tous  en  commun.  Puis  que  le  iugement  est  de  Dieu,  qu'il  ne  faut  plus  que  nous  soyons  esbranslez  par  les  hommes  en  facon  que  ce  soit:  mais  que  Dieu  ait  sa  preeminence,  et  que  toute  consideration  humaine  soit  mise  bas,  et  que  si  les  hommes  nous  effarouchent,  que  nous  resistions  a  cela,  et  que  nous  ne  soyons  point  si  malins,  de  ravir  a  Dieu  ce  qui  luy  appartient,  afin  d'en  remparer  les  creatures.  Voila  ce  que  nous  avons  ici  a  retenir.  Et  cependant  aussi  quand  il  est  dit  que  le  iugement  est  de  Dieu,  ce  mot  emporfe  une  bonne  doctrine.  Il  est  vray  que  Moyse  parle  ici  du  lieu  que  tiennent  les  iuges  et  les  magistrats  :  comme  s'il  disoit,  qu'ils  n'ont  point  cela  en  propriete,  que  ce  n'est  pas  une  seigneurie  qu'ils  ayent  d'heritage:  mais  que  c'est  un  office  simple,  et  que  Dieu  en  les  constituant  en  tel  degre  d'honneur,  n'a  point  resigne  sa  maieste  pour  dire:  Les  creatures  domineront  en  toute  puissance  et  ie