7:643  643  VERA  ECCLESIAE  644  Christus  sacerdos  sit  secundum  ordinem  Melchizedec.  Scio  non  eos  primum  nunc  impingere  ad  hunc  lapidem.  Verum,  si  rem  omissis  hominibus  considerare  libet,  id  vanitate  ipsa  esse  vanius  mox  constabit.  Narrat  Moises,  obtulisse  Melchizedec  Abrahae  panem  et  vinum.  Qui  [pag.  155]  sacram  oblationem  et  mysticam  illic  piscantur,  intelligunt  obtulisse  Deo.  Atqui,  simul  ac  meminit  illic  Moises,  ipsum  venisse  Abrahae  obviam,  subiicit,  obtulisse  vel  attulisse  panem  et  vinum.  Quum  vero  membrum  quod  mox  sequitur  causae  redditionem  esse  putant,  nihil  aliud  quam  duplicant  errorem.  Additl)  quidem  Moises  :  Et  erat  sacerdos  Dei  altissimi.  Sed  hoc  ad  ius  benedictionis  pertinet:  ut  sciamus,  ex  officio  personaque  sacerdotali  Melchizedec  Abrahae  benedixisse.  Hactenus  nullum  cernitur  in  Melchizedec  panis  sacrificium.  Sed  accedit  validius  argumentum,  quod  apostolus,  dum  singula  prope  scrupulose  excutit,  in  quibus  conveniat  haec  similitudo,  nihil  tale  attingit.  Nomen  et  sedem  regni,  regnum  et  sacerdotium  diligenter  notat:  deinde  quod,  tanquam2)  a  se  ipso  ortus,  nullam  habeat  genealogiam,  quae  quidem  sit  scriptis  prodita:  quod  Abraham  illi,  tanquam  praestantiori  minor  decimas  obtulerit.  Denique,  quod  iure  sacerdotis  benedixerit  Abrahae.  Si  quod  fuisset  in  pane  mysterium,  nihil  ad  causam  quae  illic  tractatur  aptius  adduci  poterat.  Oblivione  certe  non  praeteriit  spiritus  sanctus.  Qui  fit  ergo  ut  sileat?  Nempe,  quia  intempestive  ingerere  noluit.  Quanquam  mirum  est,  eos  quaerere  in  pane  figuram,  qui  panem  in  corpus  versum  ante  esse  dictitant,  quam  offeratur.  Quomodo  secundum  eos  respondebit  figurae  veritas,  si  nullus  in  sacra  coena  est  panis?  Sed  hoc  nobis  in  praesentia  sufficiat:  nihil  illis  suffragari  panem  a  Melchizedec  oblatum,  quia  rem  a  spiritu  sancto  minime  animadversam  comminiscuntur.  Arripiunt  et  tritam  istam  Malachiae  sententiam:  [pag.  156]  In  omni  loco  offeretur  nomini  meo  inter  gentes  oblatio  munda  (Mal.  1,  ll).  Quasi  vero  non  aliud  sit  quam  missae  sacrificium.  Atqui  si  locos  omnes  novi  testamenti  recenseamus,  qui  de  sacrificio  tractant,  nusquam  invenietur  missa.  Annon  oblatio  munda  est,  quum  per  evangelium  consecramur  Deo,  quum  se  quisque  nostrum  carnis  mortificatione  illi  offert?  quum  vitulos  labiorum  immolamus;  ut  inquit  alter  propheta  (Hos.  14,  3)?3)  Cur  ergo  posthabitis  sacrificiis  omnibus,  quae  nobis  scriptura  commendat,  ad  solam  missam,  de  qua  nullum  usquam  verbulum,  se  convertunt,  nisi  quia  in  omnibus  sunt  praeposteri?  Caeterum,  quum  sanis  omnibus  constet  simpliciter,  more  prophetico  designari  1)  Adducit  Gailas.  Bez.  Amst.  2)  tamen  Bez.  et  Amst.  3)  Add.  c'est  a  dire  louanges  et  prieres,  quand  nous  subvenons  de  noz  biens  a  ceux  qui  sont  en  necessite.