49:643  643  SERMONS  644  registres,  et  l'execution  en  la  fin  se  fera  telle,  que  nous  cognoistrons  qu'il  ne  change  point  de  propos  ne  de  nature.  Et  au  reste,  quand  a  ce  mot  A1  Admonition,  notons  que  non  sans  cause  S.  Paul  a  ainsi  parle.  Oar  il  ne  dit  pas  seulement  Doctrine,  mais  il  use  A'Admonition,  qui  est  pour  nous  ramener  a  nostre  sens,  pour  nous  donner  occasion  de  penser  a  ce  qui  nous  avoit  auparavant  seduit.  Et  pourquoy  ?  Car  ce  sont  advertissemens  pour  nous  faire  considerer  les  iugemens  de  Dieu.  Et  defaict,  nous  voyons  nostre  laschete.  Quand  il  est  question  de  profiter  en  ce  qui  se  fait  devant  nos  yeux,  nous  ne  daignons  pas  y  regarder  :  nous  voyons  que  les  hommes  s'esblouissent  quand  nostre  Seigneur  fait  quelques  punitions  qui  devroyent  servir  a,  tout  un  peuple:  nous  n'y  pensons  pas.  Ii  est  vray  qu'on  dira  assez,  Voyla  un  exemple  qui  nous  est  donne,  et  ceux  qui  se  chastient  au  depens  d'autruy,  sont  bien  sages:  on  dira  cela,  mais  cependant  cela,  chacun  torchera  sa  bouche:  et  voyla  comme  les  admonitions  s'esvanouissent.  Ainsi  pour  ce  regard  sainct  Paul  dit  que  Dieu  nous  resveille,  quand  il  nous  monstre  que  si  nous  sommes  ainsi  endormis,  le  diable  nous  aura  incontinent  oste  toute  discretion  et  prudence  :  et  que  quand  nous  n'eussions  point  discerne  auparavant,  mais  eussions  vescu  comme  gens  esgarez,  si  Dieu  punit  quelques  fautes,  c'est  autant^  comme  s'il  nous  ramenoit  a  la  droite  voye,  et  que  il  nous  attirast  a  soy,  pour  dire  que  nous  ne  soyons  plus  ainsi  abrutis.  Voyla  donc  ce  que  nous  avons  a  retenir  en  lisant  l'Escriture  saincte  :  c'est  que  si  une  histoire  nous  est  recitee,  nous  pensions,  Or  ca,  i'ay  este  endormi,  que  ie  n'eusse  point  regarde  a  cela  :  ou  bien  encores  que  i'eusse  cognu  la  chose,  si  est-ee  que  ie  n'en  estoye  point  touche.  Maintenant  donc  il  faut  que  ie  regarde  plus  songneusement  que  ie  n'ay  fait.  Car  Dieu  me  tire  ici  l'aureille,  veu  qu'il  me  presse  mesmes  quand  il  me  monstre  ses  iugemens,  par  lesquels  ie  suis  sollicite  de  retourner  a  luy:  car  quand  ils  me  sont  ainsi  proposez  devant  les  yeux,  c'est  afin  que  ie  regarde  a  sa  main  avec  plus  grande  intention  et  vigilance  que  ie  n'ay  pas  fait.  Voyci  en  somme  ce  que  nous  avons  a.  retenir  de  ce  mot  d'Admonition.  Or  pour  mieux  confermer  ce  propos,  sainct  Paul  adiouste  que  les  fins  des  aages  sont  parvenus  a  nous:  en  quoy  il  signifie  qu'il  est  temps  auiourd'huy  que  nous  profitions  en  l'escole  de  Dieu,  ou  iamais.  Et  pourquoy?  Car  nous  sommes  desia  en  aage  d'homme.  Il  ne  parle  point  d'un  chacun  de  nous  selon  qu'il  aura  ou  soixante  ou  quatre  vingts  ans,  ou  quarante  ou  trente:  mais  il  parle  de  l'estat  de  l'Eglise,  Et  pourquoy?  Nous  avons  a  retenir  ce  que  vous  oyez  souventes  fois  que  les  Iuifs  ont  este  gouvernez  comme  petis  enfans.  Il  est  vray  qu'ils  ne  laissoyent