48:643  643  SERMONS  644  tente  par  le  moyen  de  nostre  Seigneur  Iesus  Christ.  Et  combien  qu'il  soit  dit  en  l'Escriture,  qu'a  la  venue  de  Iesus  Christ  les  autels  seront  dressez  par  tout  le  monde  pour  faire  sacrifice  a  Dieu,  il  nous  faut  neantmoins  laisser  la  figure  et  nous  arrester  a  la  verite.  Car  d'autant  que  l'autel  estoit  le  signe  de  l'adoration  qu'on  devoit  faire  a  Dieu,  quand  il  est  dit  qu'il  sera  fait  sacrifice  par  tout  le  monde,  il  s'entend  que  Dieu  sera  adore  universellement.  Ii  est  vray  que  le  Pape  et  tous  les  siens  veulent  conclure  de  par  passage  qu'il  faut  qu'il  y  ait  des  sacrifices.  Et  quand  ils  veulent  approuver  leur  messe,  ils  amenent  en  avant  ce  tesmoignage  de  l'Escriture.  Mais  si  ainsi  estoit  qu'ils  le  se  font  a  croire,  il  faudroit  conclure  que  Iesus  Christ  n'est  encores  apparu  et  que  son  regne  n'est  point  venu.  Mais  on  voit  le  contraire.  Et  si  les  Prophetes  ont  ainsi  parle  c'est  pour  signifier  que  Dieu  sera  adore  universellement  en  esprit  et  verite,  sans  qu'on  s'arreste  plus  aux  figures.  Au  reste  ii  nous  faut  noter  que  le  mot  de  Prophetie  n'est  pas  yci  prins  par  le  Prophete  pour  declarer  les  choses  a  venir,  comme  il  estoit  prins  anciennement,  mais  il  entend  que  celuy  qui  aura  le  don  de  Prophetie  ce  sera  pour  enseigner  et  applicquer  la  doctrine,  afin  que  nous  soyons  conduits  en  la  cognoissance  de  verite  et  que  nous  en  scachions  faire  nostre  profit.  Ainsi  la  promesse  qui  avoit  este  faite  de  la  venue  de  Iesus  Christ  contient  que  les  hommes  auroyent  une  cognoissance  plus  haute  des  choses  divines  qu'ils  n'avoyent  point  eue  auparavant.  Et  de  faict  nous  voyons  que  S.  Paul  rappelle  une  sagesse  de  Dieu  sous  laquelle  toutes  choses  se  doyvent  humilier.  Or  maintenant  ii  nous  faut  prendre  de  toutes  ces  choses  une  conclusion  sommaire:  que  tout  ainsi  que  nostre  Dieu,  envoyant  Iesus  Christ  son  Fils  au  monde,  nous  a  voulu  asseurer  plus  expressement  de  nostre  salut,  aussi  nous  envoyant  son  sainct  Esprit  il  nous  a  fait  participans  de  ses  graces  plus  que  iamais.  Le  Prophete  Ioel  en  ce  passage  adiouste  puis  apres  que  Dieu  fera  des  choses  merveilleuses  au  ciel  en  haut,  et  signes  en  terre  en  bas,  sang  et  feu  et  vapeur  de  fumee:  le  soleil  se  convertira  en  tenebres,  et  la  lune  en  sang.  Par  ces  mots  il  signifie  qu'il  faut  qu'il  adviene  de  grandes  choses  et  merveilleuses  quand  Iesus  Christ  se  manifestera.  Et  pourquoy?  Pource  que  c'est  un  changement  du  monde.  Aussi  il  faut  que  ceux  qui  voudront  suyvre  Iesus  Christ  changent  entierement  de  leur  naturel.  Et  c'est  aussi  pourquoy  le  temps  de  la  venue  de  Iesus  Christ  est  nomme  les  derniers  iours.  Au  reste,  ceci  n'est  point  dit  pour  un  iour  ne  pour  un  mois,  mais  le  Prophete  rapporte  tout  ce  qui  est  dit  yci  a  tout  le  temps  depuis  la  venue  de  Iesus  Christ  iusques  au  dernier  Iugement  :  et  nous  faut  enclorre