25:643  643  SERMON  IV.  644  Dieu,  auquel  il  estoit  tenu  de  servir.  C'est  comme  ��i  quelqu'un  estant  loe  de  son  maistre  pour  le  servir,  ne  sait  s'il  y  a  personne  en  la  maison,  qu'il  chante,  qu'il  gaudisse,  qu'il  boyve,  et  mange  a  ses  heures,  et  qu'il  dormo  quand  il  luy  plaist,  et  qu'il  ne  luy  chaille  de  son  maistre:  un  serviteur  qui  oublira  ainsi  son  maistre,  n'est-il  pas  digne  qu'on  luy  crache  au  visage?  Or  donc  quand  les  iuges  ne  cognoissent  point  de  qui  ils  tiennent  leur  estat,  et  leur  dignite,  c'est  une  ingratitude,  voire  une  stupidite  trop  vilaine,  et  brutalle.  Au  reste,  si  les  iuges  cognoissent  que  Dieu  les  a  establis,  et  cependant  qu'ils  soyent  empeschez  par  la  crainte  des  hommes,  et  que  quand  ce  viendra  a  faire  ce  qu'ils  cognoissent  estre  de  leur  devoir,  qu'ils  soyent  empeschez  et  retenus,  pource  que  les  hommes  leur  sont  contraires,  et  qu'est-ce  qu'ils  attribuent  a  Dieu?  qu'est-ce  qu'ils  estiment  de  sa  vertu?  Or  est-il  ainsi  que  Dieu  leur  a  enseigne  leur  lecon,  et  leur  a  promis  de  leur  assister,  et  d'estre  leur  garent.  Puis  qu'ainsi  est  donc,  ne  faut-il  point  qu'ils  facent  un  bouclier  de  sa  vertu  invincible,  et  qu'ils  combattent,  encores  que  tout  le  monde  s'esleve  contr'eux  ?  Dieu  n'est-il  pas  assez  puissant  pour  les  aider  et  secourir,  s'ils  ont  leur  fiance  en  cela,  qu'ils  s'y  arrestent,  et  qu'ils  cueillent  une  hardiesse  et  une  constance  vive  pour  aller  le  droit  chemin?  Autrement,  s'ils  sont  esmeus  de  telles  tentations  pour  decliner  de  leur  devoir,  qu'ils  sachent  qu'ils  despouillent  Dieu  de  sa  vertu.  Ainsi  donc  nous  voyons  ce  que  i'ay  dit,  c'est  assavoir,  que  ce  passage  emporte  une  doctrine  bien  utile.  Mais  encores  il  nous  faut  noter,  que  ceci  n'appartient  pas  seulement  a  ceux  qui  sont  en  authorite,  mais  a  tous  en  general.  Car  il  y  a  comme  une  comparaison  faite  entre  Dieu  et  les  hommes  mortels.  Et  pourquoy?  Car  il  n'y  a  rien  qui  nous  trompe  plus,  que  ce  que  nous  attribuons  trop  aux  hommes,  en  diminuant  Dieu,  ou  en  abolissant  sa  hautesse.  Toutes  fois  et  quantes  que  les  hommes  nous  viennent  au  devant,  Dieu  n'est  quasi  rien  au  prix:  que  si  nous  le  mettons  en  balance,  il  semble  qu'il  ne  poise  point  une  plume:  et  des  hommes,  ils  auront  tousiours  leur  poids  envers  nous.  Il  est  vray  que  si  nous  voions  estimer  un  homme  au  prix  de  nous,  nous  le  saurons  bien  amoindrir:  car  chacun  se  voudra  faire  valoir.  Ou  bien,  si  nous  regardons  les  hommes  de  l'un  a  l'autre,  celuy  qui  aura  faveur  envers  nous,  donne  plus  grand  lustre  pour  descouvrir  ce  qui  sera  a,  mespriser  en  la  partie  opposite:  qu'on  dira,  Et  qu'est-ce  de  celuy-la?  et  ce  n'est  rien.  Pourquoy?  Car  nous  voulons  estimer  l'autre  beaucoup  d'avantage.  Voila  donc  comme  nous  saurons  despriser  les  hommes.  Mais  quand  nous  venons  a  Dieu,  alors  il  faut  qu'il  soit  comme  mis  bas,  et  que  les  hommes  soyent  comme  eslevez  en  son  lieu.  Voila  nostre  malice  et  nostre  per-