23:643  643  SERMONS.  644  en  differast  l'execution:  et  cela  aussi  eust  contrevenu  a  la  promesse.  Tellement  qu'Abram  s'est  tousiours  retenu  en  son  entier,  a  fin  de  ne  rien  amoindrir  de  la  benediction  qui  luy  estoit  promise.  Quoy  qu'il  en  soit,  tant  y  a  qu'il  n'a  point  refuse  de  s'allier  pour  vivre  en  paix,  et  pour  n'estre  point  comme  en  proye  et  a  l'abandon.  Par  cela  nous  sommes  admonestez,  comme  i'ay  touche,  de  converser  tellement  avec  les  hommes,  voire  .  encores  qu'ils  ayent  comme  des  aigueillons  pour  nous  picquer,  et  que  nous  ayons  este  outragez  d'eux  :  toutesfois  que  nous  taschions  de  nous  maintenir  en  sorte,  que  s'il  y  a  quelque  malice  et  durete  en  eux,  que*  nous  la  flechissions,  quand  ils  cognoistront  que  nous  ne  cercherons  que  paix,  et  que  nous  procurons  leur  bien.  Encores  qu'ils  taschent  a  nous  mal-faire,  et  qu'ils  ne  se  portent  point  equitablement  envers  nous,  que  toutesfois  nous  esperions  que  Dieu  chantera  leurs  coeurs,  qui  sont  malins  et  venimeux,  ou  bien  qu'il  les  retiendra  tellement,  que  si  nous  sommes  brebis,  nous  ne  laisserons  pas  d'estre  gardez  et  garentis  de  la  main  de  ce  Pasteur  celeste  au  milieu  des  loups.  Voila  donc  ce  [pag.  17]  que  nous  avons  a  retenir.  Or  la  cause  de  la  guerre  est  quant  et  quant  notee,  en  ce  qu'Abram,  voyant  que  son  parent  estoit  prisonier,  a  pris  les  armes.  Par  cy  devant  ou  luy  avoit  donne  beaucoup  d'occasions  de  s'escarmoucher:  mais  tous  les  dommages,  et  toutes  les  pertes  qu'il  a  receues,  ne  l'ont  point  induit  k  faire  la  guerre.  Il  est  patient  en  tout  cela:  la  seule  captivite  de  son  neveu  l'esmeut.  Ici  on  pourroit  demander,  s'il  estoit  licite  a  Abram  de  prendre  les  armes:  car  combien  que  le  sang  ne  peut  mentir  (comme  on  dit  en  proverbe)  et  qu'il  pouvoit  avoir  une  affection  telle  envers  son  neveu  pour  le  retirer,  que  cela  ne  luy  estoit  point  impute  a  faute:  si  estce  neantmoins  qu'en  general  il  nous  faut  avoir  ceste  reigle  :  Qu'il  n'est  point  licite  a  homme  qui  soit  de  prendre  les  armes.  Il  faut  que  Dieu  seul  les  donne.  C'est  luy  qui  arme  (comme  dit  S.  Paul)  les  Rois  et  les  Princes.  Et  quand  il  allegue  qu'ils  ont  droit  et  superiorite  pour  punir  les  meschans,  il  dit:  Voila  pourquoy  ils  portent  le  glaive.  Ce  n'est  pas  qu'ils  l'ayent  usurpe  a  leur  poste,  et  qu'ils  le  tiennent  a  l'appetit  des  creatures.  Il  faut  donc  que  Dieu  en  soit  l'autheur.  Voila  pourquoy  i'ay  dit,  que  nul  ne  peut  user  de  force  et  de  violence,  sinon  qu'il  ait  authorite  acquise  de  celuy  a  qui  elle  appartient.  Par  tant  il  n'y  a  que  les  Rois,  les  Princes  et  magistratz  qui  puissent  prendre  [pag.  18]  les  armes,  et  avec  lesquels  aussi  on  se  puisse  conioindre.  Voila  un  article  qui  nous  doit  estre  resolu  :  car  que  seroitce,  si  chacun  se  iettoit  ainsi  en  campagne,  s'il  y  avoit  quelque  iniure  faite?  Il  y  auroit  une  horrible  confusion  partout.  Davantage  sainct  Paul  pour  nous  tenir  comme  bridez,  et  pour  nous  exhorter  a