6:642  apostolos  simul  et  prophetas,  fore  novissimis  temporibus  (2  Petr.  3,  3),  ut  ecclesiam  Dei  aggrediantur  quum  doctores  falsi,  qui  pravis  opinionibus  et  fictis  signis  atque  miraculis  plurimos  seducant,  tum  violenti  persequutores,  qui  minis  et  terroribus,  et  omni  genere  afflictionum,  a  via  salutis  impellant  homines:  adeo  ut  etiam  electi  seducantur,  si  fieri  possit  (Matth.  24,  24).  Caeterum,  ut  Detes  in  scripturis  sanctis  praedixit  foedam  ecclesiae  deformationem,  multis  [pag.  339]  a  religione  vera  desciscentibus,  ita  etiam  monstravit  praefixum  esse  finem  extremae  infelicitatis,  non  modo  seductoribus,  qui  partim  astu  capiunt  homines,  partim  irrogando  mala  temporaria,  vel  eripiendo  bona,  pertrahunt  in  religionis  formam  pugnantem  cum  divinis  placitis:  sed  etiam  iis,  qui  autores  istos  perversos  sectantur,  et  non  potius  Christum  principem  qui  salus  est,  lux,  via,  veritas  et  vita.  Quae  quidem  Dominus  Deus,  qui  docet  ac  praecipit  duntaxat  utilia,  non  sine  causa  toties  et  tam  diligenter  ingessit  per  divinos  homines,  verum  maximi  boni  causa,  quod  ad  homines  universos  pertineat:  nimirum  ut  admoniti  homines,  caveant  pericula  et  mala  imminentia,  et  iudicare  possint,  et  confirmentur  in  religione  divinitus  tradita:  aut  si  quis  dolo  impostorum,  et  violentia  persequutionis  fuerit  praeoccupatus,  revocetur  in  viam  salutis.  Simul  enim  docet  nos  Dominus  ac  Deus  noster,  quibus  modis  ac  rationibus  possint  ac  debeant  tanta  mala  et  pericula  ultimae  tempestatis  mundi  superari:  quaque  via  homines  ex  omnibus  procellis,  quantumvis  saevis  et  naufragium  machinantibus,  modo  sese  contineant  intra  navim  ecclesiae  catholicae,  in  portum  sempiternae  beatitatis  evehantur.  [pag.  340]  Praecipit  namque,  ne  homines  supini  stertant  ac  negligant  salutem  suam:  verum  levatis  capitibus,  circumspiciant  pericula  maxima  in  quibus  versantur.  Praecipit  diiudicare  spiritus,  num  ex  Deo  sint:  an  Christum,  an  potius  antichristum  spirent.  Vetat  consortium  infidelium,  ne  frustra  moliantur  pii  ducere  iugum  cum  impiis,  aut  lucem  tenebris  uniret  41