49:642  nous  soyons  reprimez  et  que  cela  nous  serve  d'une  bride.  Quand  nous  voyons  le  semblable  de  l'idolatrie,  des  seditions,  ou  des  murmures,  que  nous  soyons  retenus  en  crainte,  et  ne  tentions  point  Dieur  voyans  qu'il  nous  admoneste.  Et  comment?  Car  a  veue  d'oeil  il  nous  monstre  quelle  sera  l'issue  de  tous  ceux  qui  ne  se  veulent  point  chastier  aux  depens  d'autruy.  Maintenant  donc  nous  avons  l'intention  de  S.  Paul.  Or  de  ce  passage  nous  pouvons  recueillir  quel  est  l'usage  et  la  fin  de  toutes  les  histoires  contenues  en  l'Escriture  saincte.  Comme  i'ay  desia  dit,  Dieu  ne  veut  point  que  nous  ayons  les  aureilles  chatouilleuses,  pour  chercher  la  quelque  esbat  frivole  :  mais  que  nous  venions  en  son  escole  pour  estre  enseignez.  Comme  en  lisant,  quand  nous  voyons  que  Dieu  a  secouru  aux  siens,  et  les  a  guidez  par  sa  main  et  par  sa  vertu:  nostre  foy  doit  estre  tant  mieux  appuyee  pour  estre  certaine  que  nous  scaurons  par  effet  que  ce  n'est  point  en  vain  que  nostre  Seigneur  a  promis  d'estre  le  protecteur  de  tous  fideles.  Et  comment  en  seront  nous  certains?  Car  il  le  monstre  par  experience.  Quand  nous  voyons  que  les  Saincts  ont  este  exaucez  en  toutes  leurs  prieres  et  oraisons  en  i'invoquant,  nous  cognoissons  que  nous  ne  prierons  point  Dieu  en  vain,  que  ce  ne  sera  point  peine  perdue,  et  que  iamais  nous  ne  serons  repoussez  de  luy:  mais  prendrons  courage  quand  nous  verrons  que  Dieu  a  eu  pitie  des  poures  pecheurs  qui  se  sont  convertis  a  luy:  que  quand  il  les  a  veu  abatus  et  retourner  a  luy,  demandans  pardon,  et  gemissans  de  leurs  fautes,  il  a  este  enclin  a  les  recevoir:  et  s'est  monstre  pitoyable  envers  eux.  Voyans  cela,  di-ie,  nous  avons  la  porte  ouverte  pour  venir  a  Dieu,  quand  nous  l'avons  offense,  ne  doutans  point  qu'il  ne  nous  recoyve  et  qu'il  ne  mette  en  oubli  toutes  nos  offenses.  Et  ainsi  a  l'opposite  quand  nous  voyons  que  Dieu  a  foudroye  sur  les  contempteurs  de  sa  maieste,  et  sur  ceux  qui  se  sont  endurcis  en  leurs  vices,  quand  nous  voyons  qu'il  a  monstre  une  telle  rigueur  a  l'encontre  d'eux,  et  ne  les  a  pas  espargnez,  cognoissans  que  par  cela  il  nous  admoneste  de  nous  ranger  sous  son  obeissance,  scachans  bien  que  nous  ne  gaignerons  rien  en  nostre  obstination,  mais  il  faudra  que  nous  passions  par  telles  confusions,  comme  elles  sont  advenues  aceux-la.  C'est  ce  que  nous  avons  a  retenir  sur  ce  passage,  quand  il  est  ici  declare  que  tout  ce  qui  est  escrit  c'est  comme  si  Dieu  nous  monstroit  en  peinture  son  ire  et  sa  vengence  contre  ceux  qui  l'ont  offense,  et  ne  retournent  point  a  luy,  mais  plustost  se  plaisent  en  leurs  vices,  et  demeurent  la  confits.  Quand  donc  nostre  Seigneur  voit  une  telle  durete  aux  hommes,  il  monstre  qu'il  ne  le  peut  souffrir.  Et  s'il  l'endure  pour  un  temps,  et  qu'il  dissimule,  ce  n'est  pas  que  il  le  ait  oublie,  il  demeure  en  ses