48:642  ment  de  la  predication  de  l'Evangile,  est  venue  premierement  des  Iuifs,  afin  que  ce  qui  est  dit  par  Ezechiel  fust  accompli,  Que  les  rivieres  couleront  iuBqu'aux  bouts  de  la  terre  de  la  fontaine  de  Ierusalem.  En  quoy  le  Prophete  veut  signifier  que  ceste  diversite  de  langues  n'eust  iamais  este  entendue  si  le  8.  Esprit  n'eust  este  envoye  aux  Apostres  pour  faire  descouler  leur  doctrine  par  l'universel  monde.  Ainsi  donc  considerons  comme  Dieu  a  besongne  par  sa  sagesse  incomprehensible  pour  faire  publier  son  Evangile.  Car  combien  que  les  Apostres  ayent  este  suffisamment  instruits  par  Iesus  Christ,  ils  ne  laissent  point  pourtant  d'estre  grossiers  iusques  a  ce  qu'ils  recoyvent  le  sainct  Esprit.  Mais  quand  ils  le  recoyvent,  les  voyla  faits  de  povres  idiots  grans  clercs,  tellement  qu'ils  ont  la  cognoissance  de  la  diversite  des  langues,  qui  estoit  un  empeschement  que  l'Evangile  ne  fust  publie.  Et  pourtant  ce  n'est  pas  sans  cause  que  le  Prophete  Ioel  dit  que  Dieu  a  espandu  de  son  Esprit  sur  toute  chair.  Au  reste,  ii  nous  faut  noter  ce  passage  ou  il  dit  que  les  vieux  et  Us  ieunes  prophetizeront.  En  quoy  il  signifie  que  vieux  et  ieunes  seront  tous  participans  de  la  grace  du  S.  Esprit.  Il  ne  faut  pas  maintenant  chercher  de  glose  pour  scavoir  l'exposition  du  texte,  quand  le  Prophete  a  dit  toute  chair:  car  le  texte  mesme  monstre  assez  l'intention  du  Prophete.  Au  reste,  quand  il  dit  que  les  ieunes  prophetizeront,  il  parle  selon  la  coustume  de  son  temps:  car  Dieu  usoit  de  ces  deux  moyens  envers  ses  serviteurs,  ascavoir  de  vision  ou  de  songe  :  ainsi  qu'il  est  escrit  au  douzieme  des  Nombres  que  Dieu  se  monstrera  aux  Prophetes  par  vision,  et  parlera  a  eux  en  songes,  mais  de  son  serviteur  Moyse  il  dit  qu'il  parlera  avec  luy  bouche  a,  bouche.  Cependant  on  pourrait  alleguer  que  la  doctrine  n'a  pas  este  telle  sous  la  Loy  comme  elle  est  de  present,  et  que,  si  Dieu  s'est  manifeste  aux  Prophetes  de  l'ancien  Testament,  il  ne  se  demonstre  pas  a  nous  en  telle  sorte.  Pour  response  il  faut  noter  que,  combien  que  le  Prophete  use  de  ces  termes,  c'est  seulement  pour  s'accommoder  a  son  temps,  et  non  pas  dire  que  nous  n'ayons  point  plus  grande  mesure  de  cognoissance.  Car  a  la  verite  ne  s'est  point  declare  si  apertement  en  l'ancien  Testament  comme  il  fait  maintenant  a  nous  par  Iesus  Christ.  Car  au  lieu  que  les  sacrifices  estoyent  ordonnez  de  Dieu  en  l'ancienne  Loy  qui  estoyent  figures  et  ombres  qu'il  faloit  souvent  reiterer,  pour  monstrer  comment  les  hommes  n'ont  acces  a  Dieu  que  par  le  moyen  du  Mediateur,  nous  avons  maintenant  le  Mediateur  en  personne,  qui  a  une  fois  par  son  Sacrifice  unique  accompli  tout.  Et  n'avons  point  maintenant  a,  faire  aucun  sacrifice  d'expiation  et  satisfaction  pour  les  pechez,  mais  nous  avons  a  rendre  a  Dieu  sacrifices  de  louange  :  et  il  s'en  con-  41