25:642  vienne,  mais  si  est  ce  que  son  garent  est  au  ciel.  Voila,  di-ie,  qui  doit  abbatre  tout  orgueil  en  nous,  afin  que  nul  ne  s'esleve,  et  qu'il  n'entreprenne  plus  qu'il  ne  luy  est  licite,  afin  que  nous  ne  pensions  pas  avoir  conge  de  mal  faire  sous  ombre  que  nos  parties  n'ont  nul  credit  et  authorite,  n'attendons  pas  que  la  iustice  remedie  a  nos  extorsions,  et  que  ceux  que  Dieu  aura  constituez  en  son  lieu,  iugent  sans  acception  de  personne,  pour  nous  chastier  quand  nous  aurons  fait  quelque  excez.  Mais  qu'un  chacun  recorde  ceste  lecon  ici,  c'est  assavoir,  d'autant  que  Dieu  n'a  point  d'esgard  a  toutes  les  apparences,  qu'il  faut  aussi  que  chacun  se  conforme  a  une  telle  droiture  et  equite.  Or  d'autant  que  les  hommes  nous  font  tousiours  peur,  tellement  que  ce  sont  la  des  plus  grandes  tentations  et  pires  qui  soyent  pour  nous  empescher  de  faire  nostre  office,  notamment  Moyse  exhorte  les  iuges  de  ne  point  craindre  les  hommes.  Pourquoy?  Car  le  iugement  est  de  Dieu,  dit-il.  Voici  un  passage  bien  digne  d'estre  observe.  Nous  avons  desia  dit  ce  que  l'experience  monstre  par  trop,  c'est  assavoir,  que  ceux  qui  autrement  seroyent  de  bonne  sorte,  neantmoins  par  timidite  deffaillent.  On  verra  un  homme  en  estat  de  iustice,  qui  ne  sera  point  meschant,  et  voudroit  que  tout  allast  bien,  il  luy  fasche  quand  ii  voit  quelque  delict,  et  seroit  content  qu'un  chacun  se  reprimast  de  soy,  ou  bien  qu'il  y  eust  bonne  correction,  qu  ari  d  quelqu'un  a  failli:  mais  cependant  il  voit  les  murmures,  et  les  mecontentemens.  Et  quoy?  I'esmouveray  la  rage  de  chacun  contre  moy,  celuy-la  a  des  parens  et  des  amis,  un  tel  me  pourra  rendre  la  pareille  quand  ie  l'auray  fasche.  Et  puis,  pource  que  l'iniquite  domine  par  tout,  que  les  meschans  ont  la  vogue,  et  qu'ils  sont  en  plus  grand  nombre,  il  faudra  que  i'entreprenne  la  guerre  contre  tout  le  monde,  si  ie  me  veux  acquitter  de  mon  devoir,  que  ce  ne  sera  point  seulement  a  deux  ou  trois  que  ie  m'attacheray,  mais  ie  voy  que  tous  sont  corrompus,  et  qu'il  n'y  a  celuy  qui  ne  resiste  au  bien.  Ceux  dont  qui  autrement  craignent  Dieu,  et  voudroyent  exercer  droiture  et  iustice,  quand  ils  sont  au  siege  pour  iuger,  ils  seront  empeschez  par  leur  timidite:  s'ils  regardent  les  hommes,  ils  seront  esbranslez.  Et  pourpuoy?  d'autant  qu'ils  n'ont  point  ce  fondement  que  Moyse  met  ici,  que  le  iugement  est  de  Dieu.  Ils  ne  cognoissent  point,  di-ie,  qu'ils  font  un  grand  deshonneur  et  opprobre  a  Dieu,  quand  ils  luy  preferent  les  hommes.  Car  celuy  qui  par  crainte  se  destourne  de  son  devoir,  celuy-la  prise  plus  les  hommes  que  Dieu.  Pourquoy?  un  iuge  doit  penser  que  Dieu  l'a  constitue  au  lieu  ou  il  est,  non  point  seulement  en  qualite  de  simple  creature:  car  celuy  qui  tient  la  iustice,  est  au  siege  de  Dieu,  et  est  comme  son  lieutenant.  Un  iuge  donc  doit  considerer  cela,  et  s'il  n'y  pense,  il  oublie  desia  41