23:642  avons  veu  qu'il  luy  a  falu  tracasser  ca  ou  la,  pource  qu'il  n'estoit  pas  gueres  humainement  receu:  quelque  part  qu'il  vint,  on  le  chassoit.  Vray  est  que  Dieu  luy  a  bien  commande  de  circuir  la  terre  au  long  et  au  large,  pour  l'exercer:  mais  au  paravant  desia  il  avoit  este  contrainct  par  necessite.  Il  n'y  a  donc  nulle  doute  que  ses  vertus  ne  luy  ayent  acquis  quelque  authorite,  en  sorte  qu'on  l'a  receu,  et  que  ceux  qui  estoient  [pag.  15]  comme  chefs  de  ce  pais-la,  l'ont  tenu  pour  leur  amy,  et  ont  fait  alliance  ensemble  pour  se  maintenir  l'un  l'autre.  Il  est  vray  que  toutes  les  vertus  du  monde  n'apporteront  pas  souvent  un  tel  bien:  mais  il  y  a  deux  choses  conioinctes:  l'une  est  que  ceux  qui  se  portent  droitement  et  en  integrite,  tascheront  en  premier  lieu  de  conformer  leur  vie  a  la  volonte  de  Dieu,  mais  en  servant  Dieu,  ils  monstreront  aussi  une  affection  humaine  envers  leurs  prochains,  et  ceux-la  racheteront  souvent  la  paix,  et  rompront  la  malice  de  ceux  qui  autrement  estoyent  prests  a  les  fascher.  Et  de  fait  S.  Pierre  aussi  demene  cest  argument-la,  quand  il  exhorte  les  serviteurs  a  bien  faire,  et  a  servir  a  ceux  qu'ils  devront:  il  dit  que  par  ce  moyen  ils  pourront  obtenir  qu'on  ne  les  pieque  point,  et  qu'on  ne  se  rue  point  sur  eux,  Mais  (dit-il)  quoy  qu'il  en  soit,  s'il  vous  faut  endurer  en  bien  faisant,  vous  avez  a  glorifier  Dieu  en  cela,  que  vostre  conscience  ne  vous  redargue  point.  Voila  donc  ce  que  nous  avons  a  noter.  Or  le  second  est,  que  Dieu  benit  ceux  qui  cheminent  en  telle  droiture,  et  amollit  les  coeurs  de  hommes.  Quand  donc  il  est  ici  recite  qu'Abram  a  este  allie,  il  est  certain  qu'on  Ta  veu  tel,  que  son  amitie  a  este  desiree  par  ceux  mesmes  qui  luy  pouvoyent  porter  inimitie  au  paravant,  ou  bien  qui  l'eussent  voulu  gourmander  et  piller:  ceux-la  [pag.  16]  ont  este  enclins  a  se  ioindre  avec  luy.  Mais  c'a  este  une  alliance  pour  un  temps  tant  seulement.  Car  il  est  certain  qu'Abram  ne  s'est  iamais  mesle  parmi  ceux  que  Dieu  avoit  desia  condamnez,  combien  qu'il  41