8:641  641  MICHAELIS  SERVETI.  642  Qualis  sit  Christus  Serveto.  Primo  dicitur  sermo  esse  Dei,  nunc  aeternus,  nunc  qui  originem  habuit  a  mundi  creatione:  quia  non  ante  exstitit  lux,  aut  verbum,  quam  dum  mundus  creatus  est.  Atque  hic  sermo  vocatur  imago  substantialis  Dei,  [pag.  258]  quia  externa  fuit  et  visibilis  quaedam  facies  ex  tribus  increatis  elementis  composita.  Ad  haec,  genitus  ex  Deo  fuisse  dicitur  non  re  ipsa,  sed  figurative  :  quia  in  eo  Deus  futurum  hominem  geniturivit,  mulierem  exspectans  ex  qua  eum  gigneret.  Iam  quia  homo  futurus  erat,  quoties  in  forma  hominis  apparuit  sanctis  patribus,  dicitur  coeleste  fuisse  corpus  et  divinum,  futuri  hominis  personam  hypostatice  sustinens.  Tandem  dicitur  ex  patris  substantia  sic  conceptus  fuisse  in  utero  virginis,  ut  ipsa  verbi  essentia  transierit  in  carnem,  nec  duabus  naturis  distinctis  Christus  constet,  sed  caro  eius  non  minus  Deus  sit  ac  deitas,  quam  sermo.  Denique  non  censetur  sermo  carne  vestitus,  sed  transformatus  in  carnem.  Interim  dicitur  ex  verbi  semine  et  spiritus  substantia  promiscue  genitus.  Corpus  autem  eius  non  dicitur  ex  semine  Abrahae  simpliciter  fuisse  genitum,  sed  partim  etiam  conflatum  ex  tribus  illis  elementis,  et  illa  substantiali  Dei  facie,  quae  ab  initio  visa  fuit  sanctis  patribus.  Anima  eius  partim  ex  humano,  partim  ex  divino  spiritu  dicitur  fuisse  composita,  donec  per  resurrectionem  substantialiter  innovatus  fuit  eius  spiritus.  Quin  etiam  tunc  absorpta  in  deitatem  fuisse  dicitur  eius  caro,  vel  in  Deum  conversa  esse,  sicuti  prius  deitas  in  carnis  naturam  transierat.  Quid  spiritus  Serveto.  Spiritus  dicitur  lenis  quaedam  aura,  quae  ex  verbo  fabricato  in  mundi  creatione  prodiit,  non  quod  propriam  haberet  ac  distinctam  hypostasin.  Nunc  enim  dicitur  idem  fuisse  cum  verbo:  nunc  dicitur  [pag.  259]  umbra  fuisse  eius  substantiae,  quam  perceptibilem  fecit  temporis  successio.  Discrimen  vero  eius  a  patre  alibi  notatur,  quod  alius  sit  ratione  admixtae  creaturae,  quia  non  mera  sit  deitas,  sed  aliquid  ex  Dei  essentia  et  creata  virtute  commixtum.  Unde  et  Deus  operari  in  nobis  spiritum  dicitur.  A  Christi  autem  ascensu  dicitur  exstitisse  novus  Deus,  vel  modus  deitatis.  Quid  homo  Serveto.  Homo  dicitur  ad  imaginem  Dei  creatus,  quia  non  solum  in  anima  sed  etiam  in  corpore  insitam  Calvini  opera.  Vol.  Vili.