49:641  641  SUR  L'EPITRE  AUX  CORINTHIENS.  642  avoue  pour  ses  enfans  a  cause  que  ils  se  sont  renommez  et  cognus  aussi  pelerins  et  estrangers  au  monde.  Or  donc  notons  bien  que  sainct  Paul  n'a  pas  voulu  dire  qu'il  n'y  ait  eu  que  des  figures  au  peuple  d'Israel  :  car  il  faudrait  que  toute  l'Escriture  saincte  fust  abolie.  Or  ce  monstre  qui  a  este  puni  iustement  en  ceste  ville,  n'avoit  point  honte  de  dire,  comme  il  a  escrit  aussi,  qu'Abraham  n'a  eu  que  des  promesses  charnelles,  et  que  sa  foy  n'a  regarde  qu'au  monde.  Abraham  qui  est  nomme  le  Pere  des  fideles,  voire  de  toute  l'Eglise  de  Dieu,  qu'il  ait  este  attache  seulement  a  ce  monde,  comme  une  beste  brute,  quel  outrage  est-ce  la?  Et  puis  il  disoit  aussi  qu'Abraham  n'a  point  adore  Dieu,  qu'il  n'adoroit  qu'un  Ange.  Tous  ces  blasphemes  la  sont  contenus  en  ses  livres.  Or  il  n'a  pas  este  seul:  mais  le  diable  en  a  ensorcele  d'aucuns,  qui  ont  cuide  que  le  peuple  d'Israel  n'avoit  en  nulle  esperence  de  salut,  ains  seulement  des  figures.  Mais  par  ce  mot  sainct  Paul  entend  des  patrons,  comme  s'il  disoit,  des  exemples  ou  des  miroirs.  Yoyci  donc  l'intention  de  sainct  Paul:  c'est  a  scavoir,  Combien  que  ceux  qui  ont  murmure  anciennement  sous  la  Loy,  ceux  qui  se  sont  polluez  en  superstitions,  en  paillardises,  en  choses  semblables,  ceux  qui  ont  convoite  choses  illicites,  ceux  qui  se  sont  mutinez  contre  Dieu,  combien,  di-ie,  que  ceux  la  ayent  eu  un  iuste  salaire  de  leurs  malefices,  si  est-ce  qu'ils  nous  ont  servi,  et  Dieu  veut  que  nous  prenions  instruction  des  chastimens  qui  leur  sont  advenus.  Et  de  faict,  sainct  Paul  le  declare,  en  disant  que  le  tout  est  escrit  pour  nostre  admonition:  comme  s'il  disoit,  C'estoit  bien  assez  que  Dieu  les  eust  punis  quant  a  eux:  et  l'Escriture  saincte  de  quoy  sert-elle  ce  n'est  point  pour  eux.  Ils  sont  trespassez:  mais  Dieu  a  voulu  que  ceste  doctrine  nous  fust  utile.  Or  sainct  Paul  presuppose  ce  qu'il  dit  en  l'autre  passage,  que  Dieu  n'a  point  voulu  donner  du  passe-temps  inutile  aux  hommes,  quand  il  a  escrit  sa  Loy,  et  a  recite  ce  qui  estoit  advenu  au  peuple:  mais  il  dit  a  Timothee,  Toute  l'Escriture  est  utile  pour  doctrine,  pour  instruction,  pour  reprehension,  afin  que  l'homme  de  Dieu  soit  rendu  parfait.  Puis  donc  qu'il  n'y  a  rien  de  superflu  ni  vain  en  la  Loy,  et  que  le  tout  est  applicque  a  nostre  edification,  et  que  Dieu  veut  que  nous  recevions  profit,  maintenant  ne  dirons-nous  pas  que  tout  ce  qui  est  la  contenu,  nous  doit  servir  comme  de  peinture,  afin  que  nous  comprenions  ce  qui  nous  a  este  remonstre  par  ci  devant:  Quand  donc  nous  voyons  que  les  paillardises  ont  este  punies  si  griefvement,  notons  bien  que  Dieu  est  tousiours  semblable  a  soy,  qu'il  ne  varie  point,  et  qu'auiourduy  encores  il  monstrera  que  ce  vice  la  luy  desplaist,  et  qu'il  ne  le  peut  souffrir.  Quand  nous  voyons  que  la  cupidite  meschante  du  peuple  a  este  si  griefvement  punie,  que