48:641  641  DE  LA  PENTECOSTE.  642  pas  apertement  qu'on  ne  veut  cognoistre  Iesus  Christ:  mais  ii  y  en  a  bien  peu  qui  facent  leur  devoir  de  le  chercher  comme  il  appartient.  Ainsi  ce  n'est  point  de  merveilles  si  les  Prophetes  insistent  tousiours  sur  ce  poinct  de  nous  amener  a  la  cognoissance  de  Iesus  Christ:  car  c'est  le  seul  moyen  pour  nous  reconcilier  avec  Dieu,  et  ou  il  nous  faut  prendre  nostre  fondement.  Or  nous  voyons  maintenant  que,  quand  le  sainct  Esprit  a  este  espandu  si  abondamment,  que  ce  n'a  pas  este  a  autre  fin  sinon  que  les  hommes,  lesquels  estoyent  estranges  de  la  cognoissance  de  Iesus  Christ,  fussent  appelez,  et  que  nous  fussions  tous  reduits  ensemble  pour  estre  le  peuple  de  Dieu  et  pour  le  recevoir.  Mais  pour  avoir  plus  facile  intelligence  de  ce  passage,  il  nous  faut  exposer  ce  que  dit  le  Prophete:  II  adviendra  es  derniers  iours  que  Respandray  de  mon  Esprit  sur  toute  chair,  et  vos  fils  et  vos  filles  prophetizerontj  et  vos  ieunes  verront  visions,  ei  vos  anciens  songeront  songes.  En  ceci  il  faut  noter  que,  combien  que  le  Prophete  dise  que  le  S.  Esprit  sera  espandu  sur  toute  chair,  neantmoins  tous  ne  le  recoyvent  pas.  Comme  de  faict  nous  voyons  qu'il  y  en  a  beaucoup  qui  en  sont  privez.  Toutesfois  Dieu  nous  appelle  tous,  mais  nous  y  resistons  par  nostre  ingratitude  et  malice.  Tant  y  a  que  cela  demeure  tousiours  vray,  que  nul  ne  vient  a  luy  que  celuy  qu'il  attire  par  son  S.  Esprit.  Par  cela  aussi  il  nous  est  signifie  que,  si  nous  venons  a  Iesus  Christ  par  foy,  et  nous  y  tenons  en  vraye  humilite,  nous  receverons  des  graces  de  son  Esprit  si  abondamment  que  nous  en  pourrons  communiquer  a  nos  prochains.  Voyla  donc  comme  Iesus  Christ  nous  appelle  tous  en  general:  mais  cependant  il  s'en  faut  beaucoup  que  tous  vienent  a  luy:  car  nous  refusons  ce  bien  qui  nous  est  presente.  Et  pourquoy?  D'autant  que  nousnous  en  rendons  indignes,  aimans  mieux  nous  addonner  a  nos  vanitez  qu'a  la  crainte  de  Dieu.  Or  puis  qu'ainsi  est  que  beaucoup  ne  recoyvent  les  graces  qui  leur  sont  presentees,  combien  qu'ils  soyent  tous  appelez,  on  pourroit  demander  pourquoy  le  Prophete  parle  ainsi.  Mais  il  a  voulu  prendre  une  telle  generalite  pour  monstrer  que  de  tous  estats  et  de  toutes  aages  il  en  amenera  a  sa  cognoissance:  et  aussi  pource  que  maintenant  Dieu  ne  fait  point  de  division  entre  le  luis  et  le  payen  :  car  le  S.  Esprit  par  sa  vertu  besongne  par  tout.  Nous  voyons  que  le  peuple  des  Iuifs  entre  tous  les  autres  a  este  le  premier  qui  a  eu  la  cognoissance  du  vray  Dieu:  et  combien  que  le  nombre  de  ceux  d'entre  les  Iuifs  qui  ont  creu,  ait  este  bien  petit,  tant  y  a  que  le  S.  Esprit  leur  a  este  presente.  Les  Payens  aussi  ont  este  instruits  par  la  predication  de  l'Evangile.  Voyla  comme  sans  merveilles  le  Prophete  dit  que  Dieu  a  espandu  son  Esprit  sur  toute  chair.  Or  la  doctrine  qui  a  este  annoncee  au  commence-  Galvini  opera.  Vol.  XLVIII.