35:641  641  DE  LA  PROPHETIE  DE  CHRIST.  642  cela  il  nous  declare  que  le  sacrifice  que  nostre  Seigneur  Iesus  a  offert  nous  doit  bien  contenter,  d'autant  qu'il  nous  a  sanctifiez  par  ce  moyen-la  en  toute  perfection.  Il  n'estoit  pas  donc  besoin  que  le  Fils  de  Dieu  souffrist  plusieurs  fois:  Mais  puis  qu'il  a  eu  ceste  vertu  en  soy,  d'effacer  une  fois  toutes  nos  iniquitez,  ayons  hardiment  nostre  refuge  a  sa  mort  et  passion,  et  ne  doutons  pas  qu'e  tousiours  elle  n'ait  ceste  vigueur  pour  nous  reconcilier  a  Dieu.  Maintenant  la  vie  en  laquelle  nostre  Seigneur  Iesus  est  entre,  est  vrayement  celeste:  car  il  ha  une  condition  parfaite,  a  laquelle  il  n'y  a  que  redire:  Et  quand  S.  Paul  dit  qu'il  vit  a  Dieu,  c'est  d'autant  qu'il  est  maintenant  exempte  de  toutes  nos  miseres,  et  de  la  condition  qu'il  avoit  prinse  auparavant  d'estre  homme  mortel.  Iesus  Christ  donc  a  despouille  tout  cela,  et  maintenant  il  est  separe  de  toutes  fragilitez  humaines,  voire  afin  que  nous  esperions  le  semblable  en  nous,  qui  sommes  ses  membres.  Ainsi  notons  en  premier  lieu  que  le  Prophete  a  yci  declare  que  nostre  Seigneur  Iesus  n'est  pas  ressuscite  pour  estre  iamais  suiet  a  mourir,  mais  qu'il  a  acquis  une  vie  permanente.  Et  en  second  lieu,  que  cela  n'a  pas  este  seulement  pour  sa  personne,  mais  pour  toute  son  Eglise:  Comme  quand  il  est  dit  au  Pseaume,  que  Dieu  est  monte  en  haut,  et  a  prins  les  despouilles  de  ses  ennemis:  c'est  pour  monstrer  que  quand  nostre  Seigneur  Iesus  a  este  exalte  apres  sa  mort,  le  tout  est  revenu  au  profit  et  au  salut  commun  de  l'Eglise.  Ce  qu'il  a  donc  vaincu  Satan  et  le  peche,  c'a  este  afin  que  nous  en  soyons  delivrez,  et  que  nous  iouissions  du  fruit  d'une  telle  victoire,  et  en  facions  nos  triomphes.  Voyla  en  somme  ce  que  nous  avons  a  retenir  de  ce  passage.  Or  le  tout  est,  que  nous  le  scachions  bien  applicquer  a  nostre  usage.  Quand  donc  il  est  dit  que  le  Fils  de  Dieu  a  este  esleve  d'angoisse  et  de  condamnation,  apprenons  quand  nous  serons  solicitez  a  quelque  desespoir  de  mettre  Iesus  Christ  devant  nos  yeux,  scachans  qu'il  a  passe  par  la:  et  que  Dieu  son  Pere  luy  a  tendu  la  main,  afin  qu'il  ne  fust  point  opprime,  et  que  ca  este  en  nostre  nom.  Ainsi  donc  nous  avons  le  moyen  de  sortir  de  nos  angoisses  ayans  Iesus  Christ  pour  capitaine  et  suyvans  ses  pas,  d'autant  que  tout  ce  qui  a  este  accompli  en  luy,  comme  en  nostre  chef,  nous  appartient,  et  que  l'effet  s'en  monstrera  en  chacun  fidele.  Et  quand  il  est  parle  de  son  aage,  c'est  afin  que  nous  cognoissions  qu'il  aura  la  vertu  de  maintenir  son  Eglise  iusques  en  la  fin:  car  il  ne  veut  point  estre  separe  de  son  corps.  Il  est  vray  que  sa  condition  est  bien  diverse  de  la  nostre,  iusqu'a  ce  que  nous  soyons  retirez  de  ce  monde:  Mais  tant  y  a  qu'il  est  tousiours  le  premier  nay  des  morts,  il  est  les  premices  de  ceux  qui  doyvent  Calvini  opera.  Vol  XXXV.