25:641  641  SUR  LE  DEUTER.  CHAP.  I.  642  iniquite,  tellement  qu'il  faudroit  que  Dieu  eust  tout  le  monde  en  haine  et  detestation,  et  que  nous  fussions  tous  reiettez  de  luy,  s'il  attendoit  qu'aucun  s'addonnast  a  bien  faire:  car  nostre  nature  nous  poussera  tousiours  a  mal.  Mais  Dieu  choisit  les  siens,  sans  qu'ils  le  puissent  prevenir  par  aucun  merite:  et  cependant  apres  qu'il  les  a  marquez  du  nombre  de  son  troupeau,  il  les  advoue,  il  les  aime  comme  ses  enfans,  et  ses  domestiques,  voire  sans  regarder  de  quelle  nation  ils  sont,  ne  de  quel  estat  :  s'ils  sont  riches  ou  povres,  s'ils  sont  en  credit,  s'il  y  a  quelque  grace  et  dexterite,  s'il  y  a  autre  chose.  Dieu  donc  a  comme  les  yeux  fermez  a  toutes  ces  considerations  qui  nous  sont  tant  recommandees  :  car  il  ne  regarde  sinon  l'integrite  du  coeur,  il  ne  s'amuse  point  a  ces  masques  qui  apparuissent,  comme  il  est  dit  aussi  en  l'autre  passage  :  Que  les  apparences  ne  le  trompent  pas,  mais  qu'il  regarde  ce  qui  est  dedans.  Voila  donc  quant  au  premier.  Mais  il  nous  faut  appliquer  ce  passage  selon  que  Moyse  en  use,  c'est  qu'a  l'exemple  de  Dieu  nous  ayons  ceste  droiture  en  nous,  de  ne  point  estre  attirez  ne  ca  ne  la  par  ce  qui  apparoist  aux  hommes.  Et  ce  est  une  doctrine  bien  utile,  voire  necessaire.  Il  est  vray  que  ceci  notamment  s'addresse  aux  iuges  et  aux  gouverneurs,  selon  que  Dieu  les  approche  plus  de  soy,  d'autant  qu'il  les  a  colloquez  en  son  siege,  et  qu'il  veut  qu'ils  facent  son  office  en  ce  monde:  il  faut  aussi  qu'ils  ayent  tant  plus  grand  soin  de  suyvre  l'equite,  sans  se  laisser  pervertir  par  ce  qui  apparoist  aux  hommes.  Mais  tant  y  a  qu'un  chacun  en  son  endroit  doit  estre  instruit  de  suyvre  l'exemple  de  Dieu,  et  de  s'y  conformer.  Comme  aussi  sainct  Paul  nous  rameine  la,  quand  il  parle  des  serfs,  et  de  ceux  qui  sont  de  basse  condition,  et  qu'on  pourroit  opprimer  :  pour  ce  que  les  hommes  se  donnent  licence  de  mal  faire,  quand  ils  voyent  qu'un  povre  homme  ne  se  peut  revanger,  et  que  si  on  luy  a  fait  quelque  tort  ou  iniure,  il  faut  qu'il  hume  cela  patiemment,  ils  prennent  tant  plus  d'audace,  pour  dire  :  O  de  cestuy-ci,  quand  ie  luy  auray  fait  du  pis  que  i'auray  peu,  il  n'a  nul  moyen  de  me  nuire.  Nous  serons  donc  tant  plus  hardis,  quand  nous  verrons  les  gens  estre  contemptibles,  et  qu'ils  n'auront  nul  support.  Or  sur  cela  saint  Paul  dit,  qu'il  nous  faut  eslever  les  yeux  en  haut,  et  que  d'autant  qu'il  n'y  a  point  d'acception  de  personne  devant  Dieu,  qu'il  ne  faut  pas  que  nous  pensions  eschapper  impunis,  quand  nous  aurons  abuse  du  privilege  ou  credit  qu'il  nous  donnera.  Celuy  donc  qui  mesprise  son  prochain,  doit  penser:  Or  tant  y  a  que  nous  avons  un  iuge  commun  au  ciel,  et  quand  nous  viendrons  la,  si  ie  suis  auiourd'huy  riche  et  honorable,  quant  au  monde,  si  ie  suis  en  estat  et  dignite,  il  faudra  que  tout  cela  cesse,  et  auiourd'huy  ma  partie  est  en  mespris,  et  n'a  nul  qui  luy  sub-  Calvini  opera.  Vol  XXV.