7:640  puellae  mutuo  dederint.  Primum,  quod  dicunt,  ex  falsa  et  perversa  verborum  Christi  interpretatione  fluxit.  Nam  quum  affirmat  moechari  eum,  qui  repudiatam  ducit,  subaudienda  est  exceptio  quam  posuerat:  nempe,  nisi^cffif  adulterium.  Et  sane,  frustra  de  mulieribus  adulteris  concionatus  esset,  quarum  divortium  sequebatur  capitalis  poena  apud  Iudaeos.  Quod  si  non  magno  periculo  errarent,  dum  ita  pervertunt  Christi  verba,  ignosci  forsan  utcunque  ipsis  posset:  verum,  hic  salus  virorum  agitur,  qui  adulteras  uxores  e  contubernio  suo  pellunt.  Illis  aequi  moderatores  imperant  perpetuum  caelibatum.  Quid  si  uxore  indigeant?  Sine  remedio  scilicet  aestuabunt  tota  vita,  ut  animae  exitio  poenam  luant  alieni  sceleris.  Ita  vir  christianus,  aut  fovere  adulteria,  probraque  vorare  [pag.  151]  impudicae  uxoris  cogetur,  aut  crudeliter  addicetur  perpetuae  inquietudini,  siquidem  incontinentiae  morbo  laborabit..  Quum  miseris  conscientiis  tam  male  consulant,  an  nostro  assensu  inhumanam  eorum  tyrannidem  adiuvabimus?  De  sponsalibus,  quae  temere  ab  adulescentulis  contrahuntur,  hoc  tantum  dicam:  verbo  negari  posse,  quod  verbo  asserunt  moderatores.  Quis  enim  rata  esse  debere  illis  revelavit?  Parentum  autoritatem  requiri,  ipsa  quoque  natura  dictat:  idque  et  iure  gentium  observatum  semper  est,  et  scripturae  testimonio  comprobatur.  At  sacramenti,  inquiunt,  dignitas,  praeferenda  est  iuri  patrio.  Ut  sacramenti  nomine  abuti  illis  permittam:  plus  quam  absurdum  est,  in  sacramenti  honore  poni,  quum  perperam  et  inordinate  aliquid  geritur:  nam  quo  plus  habet  dignitatis  coniugium,  eo  maiore  et  modestia  et  religione  suspiciendum  erat.  Quid  si  honor  est  sacramenti  talis  indulgentia:  cur  in  sacerdotum  et  monialium  coniugio  non  sunt  perinde  faciles?l)  At  obstat  votum.  Nempe  quemadmodum  hic  obstat  ius  naturae:  quod  perfringere  non  dubitant.2)  Quod  unicum  esse  Christi  sacrificium  agnoscunt,  quo  expiata  sunt  peccata,  et  reconciliati  homines  Deo,  utinam  in  eo  perstarent.  Sed  paulo  post  ostendunt,  non  aliud  sibi  fuisse  consilium  ita  praefando,  quam  ut  speciosum  missae  suae  colorem  inducerent,  quo  illius  unici  sacrificii  applicatio  censeatur.  Caeterum,  quibuscunque  eam  fucis  ornent:  nunquam  tamen  efficient,  quin  filiis  Dei  omnibus  detestabilis  sit  meretricia  eius  foeditas.  Verum,  ut  certo  ordine  progrediamur:  ab  illo  generali  capite  initium  sumendum  est,  [pag.  152]  ubi  sacrificia  unici  illius  applicatoria  esse  docent,  cordis  humiliationes,  et  pietatis  causa  susceptas  carnis  afflictiones,  et  quae  1)  Add.  en  les  declairant  nulz  suyvant  leur  raison,  ilz  mesprisent  le  Sacrement  et  luy  font  deshonneur.  2)  Add.  pourquoy  sont  ilz  tant  scrupuleux  en  matiere  de  voeux?