6:640  earum  actionum  societate  abstineas,  quae  idololatriae  professionem  continent.  Quum  autem  sponte  accedis,  quum  sponte  interes,  societatem  te  coire  dico,  si  non  plenam,  at  simulatam.  Ipsa,  inquam,  circumstantia  te  convictum  tenet,  ut  frustra  te  a  pollutione  immunem  esse  iactes.  Quod  si  clarius  definiri  postulat,  quaenam  sit  illa  confessio  et  qualis,  quam  ab  homine  christiano  exigimus,  ego  vero  quod  in  scripto  meo  posui,  iterum  confirmo:  magisterio  spiritus  id  discendum  esse  magis,  quam  certis  regulis  posse  tradi.  Nemo  certe  mutus  in  professione  suae  fidei  esse  debet.  Quo  autem  cuique  amplior  fidei  mensura  data  est,  eo  luculentior  sit  eius  confessio  oportet.  Sed  maximam  partem  gubernat  temporum  ratio,  et  oblatae  oportunitates.  Quare  ad  spiritum  prudentiae  et  iudicii  semper  confugiendum.  Porro  in  tota  superiori  disputatione,  quam  edere  [pag.  135]  confessionem  debeat  homo  christianus,  non  disserui:  sed  cavenda  vitia  ostendi,  quae  verae  confessioni  repugnant  Faxit  Dominus,  ut  non  tam  in  captandis  subterfugiis,  quam  in  voluntate  eius  investiganda,  ingeniosi  esse  velimus.  Ego,  qui  tam  rigidus  esse  videor,  nunquam  sine  acerbissimo  doloris  sensu  de  fratribus  cogito,  qui  se  durius  a  me  tractari  conqueruntur:  sed  mihi  ignoscant,  si  Christi  iugum  ne  tantillum  quidem  laxare  audeo.  Vale  frater  et  amice  dilectissime.  Genevae,  14.  Calend.  Iulii.  1546.l)  1)  Quod  Gallus  (1551)  male  interpretatus  est:  ce  14.  de  Iuillet.