48:640  qu'il  y  en  ait  eu  bien  peu  qui  se  soyent  mocquez  du  miracle  dont  il  est  yci  parle,  neantmoins  S.  Pierre  addresse  sa  parolle  a  tous,  quand  il  dit,  Vous  tous  qui  habiter  Ierusalem,  ce  vous  soit  notoire  que  ceux-ci  ne  sont  point  yvres  comme  vous  cuidez.  Et  pourtant  quand  nous  voyons  que  S.  Pierre  a  ainsi  parle,  ne  soyons  pas  plus  sages  que  le  sainct  Esprit:  et  quand  il  y  aura  un  vice  qui  ne  sera  en  tous,  que  nous  ne  laissions  pourtant  de  parler  a  tous,  et  que  ceux  qui  en  seront  innocens,  a  cest  exemple  soyent  avisez  de  ne  murmurer,  cognoissans  que  s'ils  sont  exempts  d'un  vice,  quand  on  voudra  regarder  a  eux  de  bien  pres,  on  les  trouvera  coulpables  en  mille.  Or  venons  maintenant  a  ce  que  S.  Pierre  ha  intention  de  faire  par  ceste  predication:  c'est  que  par  icelle  il  entend  amener  le  peuple  a  la  cognoissance  de  Iesus  Christ:  comme  de  faict  c'est  la  fin  pour  laquelle  les  Apostres  ont  receu  le  don  des  langues.  Car  la  diversite  des  langages  estoit  comme  un  empeschement  qui  fermoit  la  porte  a  l'Evangile,  tellement  que  sans  la  cognoissance  des  langues  il  sembloit  impossible  que  l'Evangile  peust  estre  publie  par  ie  monde.  S.  Pierre  donc  dit,  S'il  vous  souvient  de  la  prophetie  du  Prophete  Ioel,  la  promesse  qui  y  est  contenue  a  este  accomplie  a  la  venue  de  Iesus  Christ.  Car  apres  que  1e  Prophete  a  fait  des  menaces,  il  adiouste  ceste  promesse,  Que  Dieu  espandra  de  son  Esprit  sur  toute  chair.  En  quoy  il  signifie  que,  quand  Dieu  punira  les  iniquitez  du  monde,  ce  ne  sera  point  pour  mettre  en  desespoir  les  eleus,  mais  pour  les  confermer  par  l'exercice  des  tribulations  de  ce  monde,  qui  sont  envoyees  voir  plustost  aux  eleus  que  aux  reprouvez.  Voyla  donc  comme  nostre  Seigneur  ne  lasche  tellement  la  bride  a  sa  vengence,  qu'il  ne  la  retiene  pour  pardonner  a  ceux  qui  auront  refuge  a  sa  bonte  et  misericorde:  car  il  est  tousiours  pres  de  ceux  qui  l'invoquent  en  verite.  Or  le  style  commun  des  Prophetes  a  tousiours  este  tel  que,  quand  ils  veulent  consoler  les  pecheurs,  ils  les  amenent  a  la  cognoissance  de  Iesus  Christ.  Et  non  sans  cause:  car  si  Iesus  Christ  nous  est  oste,  que  trouveronsnous  en  Dieu?  Nous  y  trouverons  une  hautesse,  qui  est  pour  abysmer  toutes  creatures  :  a  cause  que,  quand  nous  sommes  venus  a  la  cognoissance  de  nous,  nous  n'y  trouvons  que  vice  et  peche,  et  de  nous  presenter  jdevant  la  maieste  d'un  si  grand  Iuge,  nous  ne  pouvons  apprehender  qu'une  iustice  et  rigueur  de  sa  vengence,  qui  nous  est  preparee  a  cause  de  nos  iniquitez.  Et  de  faict,  qui  sera  celuy  de  nous  qui  s'exemptera  du  nombre  des  pecheurs,  pour  dire  qu'il  n'ait  point  de  besoin  de  recourir  a  la  cognoissance  de  Iesus  Christ?  Neantmoins  nous  voyons  la  nonchalance  qui  est  es  hommes  en  cest  endroit.  Il  est  vray  qu'on  ne  declarera