25:640  et  authorite  pour  se  vanger  de  nous,  ou  s'il  est  povre,  ou  s'il  n'est  point  allie,  ou  s'il  y  a  ie  ne  say  quoy.  Tous  ces  accessoires  qui  sont  pour  nous  induire  a  haine  ou  faveur,  et  pour  nous  faire  fleschir  du  bon  chemin,  se  comprennent  en  l'Escriture  sous  ce  mot  de  Personnes:  comme  si  nous  usions  du  mot  de  masque.  Et  de  faict,  ce  sont  comme  masques,  que  tous  ces  accessoires  qui  nous  esblouissent  les  yeux,  et  qui  nous  trompent,  pour  nous  faire  decliner  du  droit  chemin.  Si  l'homme  venoit  sans  aucune  qualite  a  nous:  et  bien  nous  l'escouterions  simplement,  nous  ne  serions  pas  corrompus  pour  iuger  mal:  mais  quand  il  y  a  quelque  entre  deux,  nous  sommes  preoccupez,  voila  nostre  raison  qui  est  troublee  tellement,  que  nous  ne  iugeons  plus  comme  il  appartient.  Voila  donc  une  masque  qui  ha  une  telle  qualite  qui  se  voit  en  l'homme,  qu'il  faut  que  nous  luy  favorisions  par  trop,  ou  que  nous  le  mesprisions  outre  mesure,  tellement  qu'il  n'y  a  point  ceste  equalite  gardee,  ni  un  bon  moyen  entre  le  grand  et  le  petit.  Et  de  faict,  Moyse  le  declare  tresbien  en  ce  passage,  quand  il  dit:  Tu  orras  le  petit  comme  le  grand,  Oela  sert  pour  exposer  ce  mot  de  Personne,  et  ne  faut  point  avoir  d'autre  glose  d'ailleurs.  Et  c'est  une  sentence  que  nous  verrons  encores  en  d'autres  passages:  et  voila  pourquoy  il  nous  faut  accoustumer  au  langage  et  style  du  sainct  Esprit,  afin  que  les  choses  qui  sont  ici  contenues,  ne  nous  soyent  point  estranges.  Or  cependant  pour  mieux  faire  nostre  profit  de  ce  qui  est  ici  declare,  notons  que  la  raison  principale,  et  le  fondement  de  ceste  doctrine  est,  d'autant  qu'il  n'y  a  point  d'acception  de  personne  envers  Dieu.  Voila  pourquoy  les  iuges  se  doyvent  retenir,  et  garder  purs  de  toutes  ces  considerations  qui  les  pourroyent  desbaucher,  et  les  faire  fleschir  d'un  coste,  ou  d'autre:  c'est,  di-ie,  qu'ils  representent  la  maieste  de  Dieu,  d'autant  qu'il  les  a  constituez  ses  officiers.  Or  il  n'y  a  point  d'acception  de  personne  envers  Dieu,  c'est  a  dire,  que  quand  il  iuge,  ii  n'a  point  regard  a  ce  que  les  hommes  regardent,  et  dont  ils  sont  attirez  ca  et  la,  tellement  qu'ils  ne  iugent  plus  en  droiture,  a  cause  que  leurs  affections  excessives  dominent  en  eux  par  trop.  Et  ceci  s'estend  bien  loin:  II  n'y  a  point  d'aeception  de  personne  envers  Dieu.  Car  sainct  Pierre  quand  il  en  parle  au  dixieme  chap.  des  Act.  et  puis  en  sa  Canonique,  monstre  que  Dieu  choisit  de  tout  le  monde  ceux  que  bon  luy  semble:  mesmes  qu'il  n'a  point  d'esgard  aux  Iuifs  ni  aux  Gentils.  Celuy,  dit-il,  qui  fait  bien,  sera  aggreable  a  Dieu  :  et  cependant  il  n'y  a  ne  Circoncision  ne  prepuce,  qui  vienne  en  conte.  Il  est  vray  qu'il  faut  bien  que  Dieu  nous  regarde  en  pitie,  devant  que  nous  facions  bien.  Car  de  nature  nous  sommes  du  tout  pervers,  et  ne  peut  sortir  de  nous  que  toute