9:64  fateor.  Quod  etiam  in  hac  controversia  quaeri  negat  quid  hic,  vel  ille  somniet,  nec  conscientiis  satisfieri  per  hominum  commenta,  donec  certa  et  indubia  constet  veritas,  assentior.  Quod  certam  aliquam  definitionem  requirit,  in  qua  consistat  fides,  non  repugno.  Hanc  igitur  nobis  ostendant  severi  isti  vel  potius  morosi  censores,  quibus  omnis  interpretatio  fastidio  est.  Urget  literalem  sensum,  quod  panis  vere  et  naturaliter  sit  corpus  Christi.  Sed  dum  vicissim  urgentur,  sitne  corpus  proprie  panis,  praecisum  illum  et  inflexibilem  rigorem  temperant,  [pag.  40]  corpus  dari  sub  pane  vel  cum  pane.  Et  certe  nisi  hoc  concederent,  calix  ex  quacunque  fabricatus  esset  materia,  sanguis  Christi  esset.  Quum  ergo  sibi  dicere  permittant  Christi  corpus  pane  comprehendi  non  secus  ac  vinum  cantharo,  qui  fit  ut  studium  quaerendae  commodae  interpretationis  tantopere  eorum  bilem  exasperet?  Nam  quod  in  verbis  uniformem  a  Paulo  et  evangelistis  rationem  teneri  asserit,  quid  tam  pueriliter  mentiri  iuvat?  Quanto  longius  distent*  sanguis  et  testamentum  in  sanguine,  quam  signum  et  symbolum,  monere  supervacuum  est.  Westphalus  autem,  quem  in  sanguine  et  testamento  uniformitas  delectat,  quam  multiplici  gustu  sit  praeditus  ostendit,  ad  signi  et  symboli  dissonantiam  nauseans.  Cautius  tamen  loqui  iam  incipit,  se  in  rebus  et  sententiis,  non  in  verbis  dissidium  reprehendere  affirmans.  Ego  autem,  quia  sanis  lectoribus  conspicuum  esse  confido,  distorte  varios  loquendi  modos,  qui  ad  usum  et  finem  coenae  demonstrandum  tendunt,  mutilari  et  discerpi,  non  longius  insisto.  Addit  me  clara  veritate  victum  fateri  rerum  contrarietatem.  Quibus  autem  verbis?  [pag.  41]  nempe  quia  dixerim  nostros  homines  dum  quaestionem  perplexam  et  obscuram  agitant,  quamvis  non  discrepent  re  ipsa,  praebere  repugnantiae  speciem.  En  digna  theologo  sinceritas,  quae  inter  profanos  rhetores  frigidae  ac  putidae  cavillationis  notam  non  effugeret.  Nam  quod  postea  iocatur  singulos  prophetico  spiritu  fuisse  afflatos,  dum  hanc  causam  initio  aggressi  sunt,  fruatur  sua  dicacitate  potius  quam  ut  me  refellendis  suis  dicteriis  occupet.l)  Quod  autem  apud  eum  sequitur,  me  circumspicere  de  alio  effugio,  dum  obiicio  quidquid  obiter  dictum  fuit,  ac  si  plena  esset  definitio,2)  calumniose  ipsum  arripere,  cur  recitet  non  video,  nisi  ut  se  bis  ridendum  propinet.  Estne  hoc  effugium,  quod  ipse  imprudens,s)  si  ei  creditur,  omnium  oculis  subieci?  Cui  enim  obscura  est  in  lacerandis  sententiis  eius  malignitas?  Atque  ut  exempla  quae  nuper  attigimus  praeteream,  cui  persuadeat  quod  de  ecclesiae  societate  dictum  est  plenae  1)  Faime  mieux  qu'il  s'esgaye  en  ses  gaudisseries  que  non  pas  qu'il  m'amuse  a  refuter  ses  brocards.  2)  comme  si  on  vouloit  traicter  les  choses  pleinement  3)  sans  y  penser.