8:64  infamiam  et  bonam  famam.  Neque  enim  Christi  servis  minus  sinistros  rumores  contemnere  necesse  est,  quam  ab  inanis  gloriae  aucupiis  esse  alienos.  Nam  eos  iniquis  iudiciis  gravando  hoc  captat  Satan,  ut  recte  agendi  alacritatem  in  illis  frangat,  vel  saltem  moretur.  Caeterum,  ut  nos  e  gradu  nostro  moveri  minime  convenit,  quoties  bene  agendo  male  audimus:  ita  non  nisi  sua  culpa  turbantur,  qui  excipiendis  susurris  falsisque  delationibus  nimium  credulos  se  praebent.  De  Luthero  quam  multa,  et  in  concionibus  et  libris  editis,  per  totos  viginti  quinque  annos  fabulati  sunt  hostes!  Nulla  sunt  mendaciorum  portenta,  quae  non  in  nos  comminisci  et  blaterare  ausi  fuerint.  Picartus  l)  doctor  Parisiensis,  turbulenti  quidem  cerebri  homo,  adeoque  fanaticus,  sed  tantae  inter  suos  existimationis,  tit  pro  certis  oraculis  habeantur  omnes  eius  naeniae,  dum  more  suo  pro  suggestu  bacchatur,  dicere  sibi  permisit,  negare  iam  nos  prorsus  aliquem  esse  Deum.2)  Et  ille  quidem  se  impudenter  mentiri  non  ignorat:  sed  quia  eiusmodi  hominibus  propositum  est  quovis  modo  nos  oppugnare,  quidquid  invidiam  conflare  nobis  potest,  sibi  in  nos  effutire  fas  esse  putant.3)  Et  sane,  quando  iam  optime  noverunt  omni  se  ratione  destitui,  nisi  miseram  plebem  secum  infatuent,  non  mirum  est,  necessario  eos  suffugio  abuti.  Quidquid  autem  ipsis,  etiam  absque  colore,  fingere  libuerit,  fidem  ita  protinus  obtinere  non  debuerat:  est  tamen  adeo  usitatum,  ut  pro  licito  etiam  ducatur.  De  me  si  commemorem,  quam  multa  absurda  et  ridicula  nugati  sint,'  periculum  est,  ne  eorum  ineptiis  me  involvam.  Tantum  dico:  si  hoc  iuris  in  nos  [pag.  83]  statuitur,  ut  quo  erunt  hostes  nostri  ad  mentiendum  magis  effraenes  et  inverecundi,  eo  sit  evangelii  causa  deterior,  ac  tantundem  ex  eius  fide  decedat:  non  est  quod  querantur  tam  iniqui  iudices  scandalum  sibi  obiici,  quod  ultro  se  appetere  ostendunt.  Nobis  autem  cum  Paulo  secure  dicere  liceat:  Qui  ignorat,  ignoret  (1  Cor.  14,  38).  Venio  ad  alteram  obtrectationum  speciem,  quae  non  modo  ex  eadem  Satanae  officina  prodit,  sed  super  eadem  quoque  fere  incude  fabricatur.  Hoc  solum  est  discriminis,  quod  priores  illi,  de  quibus  1)  Franciscus  Picard  s.  Picquard  ad  S.  Germani  Autissiodurensis  decanus,  theologiae  doctor,  concionator  plebi  gratiosus,  Iesuitarum  adversarius  sed  Calvino  et  Lutheranis  infestior,  a.  1542  collegio  inquietorum  adscriptus,  inter  alia  edidit  sermonum  aliquot  volumina  et  obiit  a.  1556.  Vide  Launoy,  hist.  Grymn.  Navarr.  Paris,  et  Hist.  des  Eglises  ref.  de  France  I.  30,  52  seqq.  Hunc  talem  virum  designare  voluisse  Calvinum  supra  pag.  382  praecedentis  voluminis,  adeoque  notam  nostram  ibi  appositam  corrigendam  esse  nunc  suspicamur.  2)  qu'a  Geneve  on  nioit  toute  religion.  3)  Add.  Brief  ils  font  une  devotion  de  mentir  pour  bien  maintenir  leur  foy  catholique,  qu'ils  appellent.  64