7:64  cause  de  leur  ignorance.  Mais  s'il  faut  que  le  Baptesme  soit  reitere  pour  ceste  cause,  qu'eust  ce  este  des  Apostres,  qui  trois  ans  apres  leur  baptesme,  ont  tant  eu  d'erreurs,  et  de  lourdes  opinions,  iusques  a  estimer  que  le  Regne  de  Iesus  Christ  fust  terrien:  de  ne  rien  comprendre  de  sa.mort  et  passion,  et  beaucoup  d'autres  semblables?  Telle  rudesse  certes  eust  bien  requis  un  second  Baptesme,  s'il  falloit  rebaptiser  un  homme  ignorant.  Et  quant  a  nous,  il  nous  faudroit  tousiours  avoir  quelque  lac  [page  31]  ou  riviere  a  la  queue,  s'il  estoit  question  de  recevoir  nouveau  Baptesme,  toutes  fois  et  quantes  que  nostre  Seigneur  nous  purge  de  quelque  erreur.  D'autrepart  il  est  dict  que  sainct  Paul  a  baptise  ceux  la  dont  il  est  question,  devant  que  leur  imposer  les  mains.  Qui  seroit  un  mauvais  ordre  si  ce  que  disent  ces  povres  phantastiques  estoit  vray.  Car  selon  leur  phantasie,  le  sainct  Esprit  devoit  premierement  estre  donne  aux  disciples:  et  puis  consequemment  le  signe.  Mais  qu'est-il  mestier  d'en  disputer  plus  avant,  quand  nous  avons  la  chose  toute  claire?  Ilz  n'ont  donc  plus  autre  calumnie,  pour  mordre  sur  le  Baptesme  des  petiz  enfans,  sinon  d'autant,  qu'il  n'est  faict  nulle  part  mention,  que  les  Apostres  en  ayent  use.  Ie  respons  que  nous  ne  lisons  pas  non  plus,  que  iamais  ilz  ayent  administre  la  Cene  du  Seigneur  a  une  seule  femme.  Pourquoy  donc  font-ilz  plus  grand'  difficulte  de  l'un  que  de  l'autre?  Ilz  n'oseroyent  pas  dire  que  les  femmes  ne  soyent  capables  de  recevoir  la  Cene  du  Seigneur.  Toutesfois  nous  ne  lisons  pas  que  iamais  l'ayent  receue  par  les  mains  des  Apostres.  Ou  est-ce  donc  que  nous  en  prenons  certitude?  C'est  en  regardant  l'institution,  la  nature  et  la  substance  du  Sacrement.  Car  en  ce  faisant,  [page  32]  nous  voyons  qu'il  leur  convient  aussi  bien  qu'aux  hommes.  Or  nous  avons  monstre  le  semblable  du  Baptesme:  assavoir  qu'il  convient  et  appartient  aux  petiz  enfans,  d'autant  que  nostre  Seigneur  les  tient  pour  domestiques  de  son  Eglise.  Que  demandons  nous  plus?  C'est  bien  chose  superflue  d'enquerir  de  la  coustume,  ou  le  droict  est  tout  clair  et  notoire.  Ie  dy  en  ceste  matiere,  en  laquelle  le  seul  plaisir  de  Dieu  nous  doit  suffire.  Quant  a  ce  poinct,  i'espere,  au  plaisir  de  Dieu,1)  avoir  pleinement  satisfaict  a  tous  ceux  qui  se  voudront  ranger  a  la  verite.  Combien  que  si  quelcun  en  desiroit  plus  ample  declaration,  il  pourra  voir  ce  que  i'en  ay  traicte  en  l'Institution  Chrestienne:  ou  tous  les  argumens  sont  desduis  plus  au  long.  1)  au  plaisir  de  Dieu,  manque  dans  le  latin.