58:64  nous  faut  magnifier  Dieu  de  ce  qu'il  nous  a  eleus,  comme  nous  en  voions  le  fruit  :  mais  de  ce  qu'il  nous  a  retirez  de  cest  abisme  auquel  nous  estions.  Et  d'autant  plus  nous  faut-il  efforcer,  et  recompenser  le  temps  passe,  comme  saint  Paul  en  parle,  en  ce  que  nous  avons  allegue.  Vous  estiez  le  temps  iadis  tenebres,  et  maintenant  vous  estes  clarte  au  Seigneur,  dit-il:  et  pourtant  cheminez  comme  enfans  de  clarte.  Et  qu'il  nous  souviene  de  ce  que  dit  nostre  Seigneur  Iesus  Christ,  Ii  y  a  beaucoup  de  brebis  qui  ne  sont  pas  de  ceste  bergerie  encore.  Car  il  parloit  des  Payens,  qui  estoient  comme  forclos  de  toute  esperance  de  salut.  Il  les  appelle  brebis,  non  pas  quant  a  eux:  car  ils  estoient  bestes  sauvages:  mais  c'est  au  regard  de  l'election  de  Dieu  :  combien  qu'ils  fussent  gens  esgarez,  il  dit  qu'il  les  recueillira.  Ainsi  donc,  quand  il  plaist  a  Dieu  de  nous  retirer  de  la  dissipation  ou  nous  avons  este,  que  nous  apprenions  d'escouter  la  voix  de  ce  grand  Pasteur:  non  point  seulement  pour  dire  que  nous  l'approuvions  en  hochant  la  teste  :  mais  que  ce  soit  pour  le  suivre,  et  pour  lui  obeir  en  tout  et  par  tout.  Voila  donc  ce  que  nous  avons  a  retenir  de  ce  passage.  Et  au  reste,  que  nous  n'aions  point  aucune  honte,  quand  nostre  Seigneur  ne  donnera  pas  a  ses  fideles  et  a  toute  son  Eglise,  une  grand'montre  selon  les  hommes,  pour  estre  en  reputation:  que  nous  n'aions  point  honte  de  nostre  petitesse,  moyennant  qu'il  soit  glorifie.  Comme  maintenant,  il  semble  que  l'Eglise  doive  estre  foulee  aux  pieds:  et  nous  voions  aussi  comme  les  gens  profanes  et  les  enfans  de  ce  monde,  ne  tienent  nul  conte  de  ceux  que  Dieu  a  recueillis  a  soy.  Or  portons  cela  patiemment,  a  l'exemple  de  nostre  Pere  Iacob,  et  qu'il  ne  nous  chailie  si  le  monde  (par  maniere  de  dire)  nous  crache  au  visage,  moiennant  que  nous  soions  approuvez  de  Dieu.  Voila  donc  comme  nous  avons  a  pratiquer  ceste  doctrine  chacun  en  soy,  et  aussi  en  tout  le  corps  de  l'eglise.  Au  reste,  combien  que  nous  ne  soions  pas  prisez  du  monde,  et  qu'on  ne  nous  applaudisse  point,  si  est-ce  toutefois  que  Dieu  besongne  en  telle  sorte,  que  ce  qui  est  contemptible  selon  le  monde  et  le  regard  exterieur,  il  le  prise  plus  que  ce  qui  a  grand  lustre  et  grande  parade  devant  les  hommes.  Et  voila  en  quoy  est  accompli  ce  qui  est  dit  en  saint  Luc,  Que  ce  qui  est  haut  et  excellent  ici  bas,  n'est  pas  pourtant  prise  de  Dieu,  mais  plustost  lui  est  quelquefois  en  abomination:  comme  des  vertus  d'Esau,  il  est  certain  que  tousiours  elles  seront  louees,  si  les  hommes  en  estoient  iuges  :  mais  cependant  la  simplicite  de  Iacob  est  en  plus  grande  estime  quant  a  Dieu  et  quant  a  ses  Anges.  Ainsi  donc,  que  nous  marchions  comme  nostre  Seigneur  nous  commande:  et  qu'il  ne  nous  chailie,  si  du  premier  coup,  ce  que  Dieu  a  mis  en  nous  de  ses  dons  n'apparoist  pas.  Exemple,  II  y  en  a  beaucoup  qui