52:64  re  ipsa  aestimant:  quia  persuasi  sunt,  eius  providentia  et  arbitrio  res  suas  gubernari.  12.  Novi  et  humilis  esse.  Sequitur  distributio,  quod  utriusque  fortunae  animum  habeat  capacem.  Res  prosperae  animos  ultra  modum  inflare  solent:  adversae,  deiicere.  Ab  utroque  vitio  immunem  se  esse  testatur.  Novi,  inquit,  humilis  esse:  hoo  est  patienter  ferre  humilitatem.  Ileptaaetjecv  bis  ponitur,  sed  priore  loco  capitur  pro  excellere,  secundo  pro  abundare:  ut  suis  antithetis  respondeant.  Qui  praesenti  rerum  copia  novit  sobrie  et  temperanter  uti  cum  gratiarum  actione,  paratus  ad  omnia  resignanda  quoties  Domino  visum  fuerit,  communicans  etiam  cum  fratribus  pro  modo  facultatis,  qui  etiam  non  effertur  :  is  didicit  excellere  et  saturari.  Eximia  et  rara  virtus,  multoque  maior  quam  paupertatis  tolerantia.  In  hac  Pauli  scientia  discenda  exerceantur  omnes  qui  volunt  esse  Christi  discipuli.  Sed  interim  ita  se  assuefaciant  ad  tolerandam  inopiam  ut  illis  dura  et  molesta  non  sit,  ubi  contigerit  sua  opulentia  eos  nudari.  13.  Omnia  possum  in  Christo.  Quia  de  maximis  rebus  gloriatus  fuerat,  ne  superbiae  id  tribueretur,  vel  ne  aliis  stultae  iactantiae  occasionem  daret:  subiicit,  hac  fortitudine  se  a  Christo  instrui.  Omnia,  inquit,  possum:  sed  in  Christo,  non  propria  virtute:  Christus  enim  est  qui  mihi  suppeditat  robur.  Unde  colligimus,  Christum  in  nobis  quoque  non  minus  fortem  et  invictum  fore,  si  debilitatis  nostrae  conscii  sola  eius  virtute  nitamur.  Quum  dicit  omnia,  intelligit  duntaxat  quae  sunt  suae  vocationis.  14.  Caeterum  benefecistis.  Quam  prudenter  et  caute  utrinque  agit,  circumspiciens  ne  in  hanc  vel  illam  partem  nimium  inclinet.  Magnifice  suam  constantiam  praedicando,  cavere  voluit  ne  putarent  Philippenses  ipsum  inopiae  succubuisse.  Nunc  cavet,  ne  fortiter  loquendo  contempsisse  ipsorum  beneficium  videatur:  quod  esset  non  modo  inhumanum  et  contumax,  sed  etiam  superbum.  Et  simul  occurrit,  si  quis  alius  ex  Christi  servis  indigeat  eorum  ope,  ne  pigri  sint  ad  eum  iuvandum.  15.  Nostis  autem  et  vos  Philippenses,  quod  initio  evangelii,  quando  exivi  ex  Macedonia,  nulla  mecum  ecclesia  communicaverit  in  ratione  dati  et  accepti,  nisi  vos  soli.  16.  Nam  et  Thessalonicam  semel  atque  iterum  mihi  quod  opus  erat  misistis:  17.  non  quia  requiram  donum,  sed  requiro  fructum  qui  exsuperet  in  rationem  vestram.  18.  Accepi  autem  omnia  et  abundo.  Impletus  sum,  postquam  ab  Epaphrodito  accepi  quae  missa  sunt  a  vobis  in  odorem  bonae  fragrantiae,  sacrificium  acceptum  gratum  Deo.  19,  Deus  autem  meus  implebit  quidquid  vobis  opus  est,  secundum  divitias  suas  in  gloria  per  Christum  Iesum  20.  Porro  Deo  et  patri  nostro  gloria  in  saecula  saecu-