51:64  soyons  plus  misericordieux  que  luy.  Or  nous  scavons  qu'il  est  la  fontaine  de  toute  bonte:  et  c'est  bien  assez  que  nous  Fensuyvions  de  loin,  et  si  nous  en  pouvions  approcher  beaucoup  plus,  il  seroit  bien  a  desirer.  Mais  que  nous  nous  efforcions  tant  qu'il  sera  possible,  ce  sera  beaucoup  si  nous  avons  seulement  quelque  petit  rayon  de  ceste  misericorde  de  Dieu,  laquelle  est  en  luy  infinie.  Or  tant  y  a  neantmoins  que  Dieu  ne  promet  point  grace  sinon  a  ceux  qui  retournent  a  luy.  Il  est  vray  qu'il  les  touche  par  son  sainct  Esprit,  qu'il  leur  change  le  courage,  mais  si  faut-il  que  la  penitence  soit  tousiours  ^coniointe  avec  la  remission  des  pechez.  Or  comment  est-ce  que  les  hommes  veulent  estre  pitoyables?  C'est  qu'ils  se  moquent  pleinement  de  Dieu:  qu'on  dissimule  le  mal,  et  mesme  qu'on  y  applaudisse,  et  que  Dieu  soit  la  reiette,  et  qu'on  supporte  ceux  qui  sont  prests  a  faire  encores  pis.  Or  i'ay  dit  que  c'est  un  blaspheme  par  trop  execrable,  quand  on  transfigure  ainsi  le  bien  en  mal.  Apprenons  donc  suyvant  l'exhortation  de  sainct  Paul  d'apporter  une  mansuetude  qui  soit  de  l'Esprit  de  Dieu  :  non  point  pour  approuver  le  mal  et  obscurcir  le  bien,  mais  qu'il  y  ait  une  correction  moderee.  Cependant  apprenons  aussi  de  prier  Dieu  qu'il  nous  gouverne  quand  il  sera  question  de  corriger  nos  prochains,  scachans  que  de  nostre  nature  iamais  nous  ne  serons  suffisans  pour  ce  faire.  Nous  scavons  que  pour  servir  a  Dieu,  et  pour  nous  y  employer  loyaument,  il  faut  qu'en  premier  lieu  nous  recevions  de  luy  ce  qui  nous  defaut.  Or  que  l'homme  s'espluche  tant  qu'il  voudra,  si  ne  trouverail  point  qu'il  puisse  apporter  une  seule  goutte  de  bien  de  son  propre.  Mais  quand  il  est  question  de  corriger,  la  nous  representons  la  personne  de  Dieu.  Et  si  ie  veux  remonstrer  a  quelqu'un  la  faute  qu'il  a  commise,  ie  n'y  vien  point  en  mon  nom  prive,  comme  estant  superieur  pardessus  luy  :  mais  i'y  vien  au  nom  de  Dieu.  Or  puis  qu'ainsi  est  que  nous  faisons  l'office  de  Dieu  en  reprenant  ceux  qui  ont  failli,  comment  seront-nous  idoines  a  cela,  sinon  qu'il  nous  y  conduise  et  nous  y  adresse  ?  Apprenons  donc  de  luy  demander  que  son  sainct  Esprit  nous  guide,  qu'il  preside  en  nous  quand  il  est  question  de  faire  quelque  admonition  pour  amener  au  bon  chemin  celuy  qui  en  est  desbauche.  Or  cependant  nous  devons  aussi  noter  ce  que  nous  avons  dit,  que  sainct  Paul  ne  parle  pas  ici  de  ceux  qui  sont  confits  en  malice,  en  mespris  de  Dieu  et  en  rebellion:  mais  qui  sont  surpris,  tellement  qu'ils  avoyent  quelque  bon  desir  de  bien  faire,  et  neantmoins  par  infirmite  ils  tombent.  Il  faut  donc  ici  proceder  avec  prudence  et  avec  grande  discretion.  Car  si  nous  voulons  tenir  mesure  egale  envers  tous,  il  est  certain  que  nous  ferions  souvent  tort  a  ceux  qui  ont  besoin  d'estre  supportez,  et  64