50:64  sentia  vere  palamque  fruamur.  Nihil  ergo  nobis  decedit  ex  corruptione  externi  hominis.  Observa  hic,  quod  iam  semel  dictum  est,  veram  fidem  non  contemptum  modo,  sed  etiam  desiderium  mortis  gignere.  Itaque  e  converso  infidelitatis  signum  esse,  quum  mortis  horror  supra  spei  gaudium  et  consolationem  in  nobis  dominatur.  Expetunt  autem  mortem  fideles,  non  ut  importuno  voto  diem  Domini  antevertant:  sponte  enim  pedem  fixum  tenent  in  terrena  statione,  quamdiu  Domino  libuerit.  Malunt  enim  in  Christi  gloriam  vivere  quam  sibi  mori,  et  in  propriam  utilitatem.  Nam  desiderium,  de  quo  loquitur  Paulus,  fidei  est.  Ergo  a  Dei  voluntate  minime  dissidet.  Colligere  etiam  licet  ex  istis  Pauli  verbis,  animas  a  corporibus  solutas  apud  Deum  vivere.  Nam  si  a  corpore  absentes  Deum  habent  praesentem,  cum  eo  certe  vivunt.  Hic  quaeritur  a  nonnullis,  qui  factum  sit  igitur  ut  sancti  patres  tantopere  mortem  exhorruerint  :  sicuti  David,  Ezechias,  et  tota  ecclesia  israelitica.  Quod  patet  ex  psalmo  sexto,  Iesaiae  38,  3,  Psalmo  115,  17.  Scio  quid  responderi  soleat:  mortem  illis  tanto  horrori  ideo  fuisse  quod  obscura  adhuc  erat  futurae  vitae  revelatio,  ac  proinde  consolatio  tenuis.  Ego  autem  fateor  id  quidem  esse  aliquid,  sed  non  totum.  Neque  enim  semper  trepidarunt  ad  mortis  nuntium  sancti  patres  veteris  ecclesiae:  quin  potius  alacriter  mortem  amplexi  sunt  ac  laetis  animis.  Abraham  enim  satur  dierum  migravit  absque  moerore:  Isaac  non  legitur  mortem  refugisse:  Iacob  inter  ultimos  spiritus  testatur  se  exspectare  salutem  Domini:  David  ipse  quoque  placide  absque  lamentis  moritur:  similiter  Ezechias.  Quod  ergo  David  semel  et  Ezechias  mortem  flebiliter  deprecati  sunt,  ratio  erat,  quod  puniebantur  a  Domino  ob  certa  peccata:  ideoque  in  morte  sentiebant  iram  Domini.  Haec  illis  erat  causa  perturbationis,  quam  sentire  hodie  quoque  possent  fideles  sub  Christi  regno.  Desiderium  autem,  de  quo  loquitur  Paulus,  affectus  est  mentis  bene  compositae.  9.  Qua  propter  contendimus,  sive  domi  agentes^  sive  foris  peregrinantes,  ut  Uli  placeamus.  10.  Omnes  enim  nos  manifestari  oportet  coram  tribunali  Christi:  ut  reportet  unusquisque  quae  per  corpus  facta  fuerint:  prout  fecerit,  sive  bonum,  sive  malum,  ll.  Scientes  igitur  terrorem  illum  Dominis  suademus  hominibus,  Deo  autem  manifesti  sumus.  Confido  autem  nos  et  in  conscientiis  vestris  manifestos  esse.  12.  Non  enim  nosmetipsos  iterum  commendamus  vobis:  sed  occasionem  vobis  damus  gloriandi  de  nobis,  ut  aliquid  habeatis  adversus  eos,  qui  in  facie  gloriantur,  et  non  in  corde.  9.  Quapropter  ete.  Postquam  disseruit  quam  magnanimos  deceat  esse  Christianos  in  perferendis  64